തിരുവനന്തപുരം: വനിതാ ജഡ്‌ജിയെ ഫോൺവിളിച്ചും വാട്സാപ്പ് വഴിയും ശല്യപ്പെടുത്തുന്നതായി പരാതി. സംഭവത്തിൽ കന്റോൺമെന്റ് പൊലീസ് കേസെടുത്തു. തിരുവനന്തപുരം അഡീഷണൽ ജില്ലാ കോടതിയിലെ വനിതാ ജഡ്‌ജിയ്‌ക്കാണ് ഭീഷണി. തുടർച്ചയായി ശല്യപ്പെടുത്തിയതോടെ തിരികെ വിളിച്ച് വിവരം തിരക്കിയപ്പോൾ ഒരു യുവാവാണ് മറുപടി നൽകിയത്. ശല്യമുണ്ടാക്കരുതെന്ന് നിർദേശിച്ചതിന് പിന്നാലെ വീണ്ടും ഫോൺ കോളുകൾ എത്തിയതോടെ നമ്പർ ബ്ലോക്ക് ചെയ്തു. പിന്നീടും ശല്യം തുടർന്നതോടെയാണ് ജഡ്ജി പൊലീസിനെ സമീപിച്ചത്.