തൃ​ശൂ​ർ: ആനപ്രേമികൾക്ക് പ്രിയങ്കരനായ തെ​ച്ചി​ക്കോ​ട്ടു​കാ​വ് രാ​മ​ച​ന്ദ്ര​ന്റെ വി​ല​ക്ക് നീ​ക്ക​ണ​മെ​ന്ന ആ​വ​ശ്യ​ത്തി​ൽ ശക്തമായ പ്രക്ഷോഭത്തിനൊരുങ്ങി ബി.ജെ.പി. തൃ​ശൂ​രിൽ ഇ​ന്ന് മു​ത​ൽ ആരംഭിക്കുന്ന സ​ത്യാ​ഗ്ര​ഹ സ​മ​രം പി.​സി.​ജോ​ർജ് എം​.എ​ൽ.​എ ഉ​ദ്ഘാ​ട​നം ചെ​യ്യും. തെ​ച്ചി​ക്കോ​ട്ടു​കാ​വ് രാ​മ​ച​ന്ദ്രന്റെ വി​ല​ക്ക് തു​ട​രു​ന്ന പ​ശ്ചാ​ത്ത​ല​ത്തി​ലാ​ണ് പ്ര​ക്ഷോ​ഭ​പ​രി​പാ​ടി​ക​ളി​ലേ​ക്ക് നീ​ങ്ങു​ന്ന​തെ​ന്ന് ഭാ​ര​വാ​ഹി​ക​ൾ അ​റി​യി​ച്ചു.

ആ​ളെ കൊ​ന്ന ആ​ന​യെ എ​ഴു​ന്നെ​ള്ളി​ക്കാൻ ക​ഴി​യി​ല്ലെ​ന്നാ​ണ് വ​നം വ​കു​പ്പി​ന്റെ നി​ല​പാ​ട്. വി​ല​ക്കു നീ​ക്കാ​ൻ തൃ​ശൂ​ർ എം​.എ​ൽ.​എ കൂ​ടി​യാ​യ മ​ന്ത്രി വി.​എ​സ്. സു​നി​ൽ​കു​മാ​ർ വ​നം മ​ന്ത്രി​യ്ക്കും ഉ​ദ്യോ​ഗ​സ്ഥ​ർ​ക്കു​മേ​ലും സമ്മർദം ചെ​ലു​ത്തി​യി​രു​ന്നു. എന്നാൽ,​ മന്ത്രിയുടെ അഭ്യർത്ഥനയ്ക്ക് ഉദ്യോഗസ്ഥർ വഴങ്ങിയില്ല. ഇ​ത് സം​ബ​ന്ധി​ച്ച് ച​ർ​ച്ച​ക​ൾ വി​വി​ധ ത​ല​ങ്ങ​ളി​ൽ തു​ട​ര​വേ​യാ​ണ് ബി​.ജെ.​പി പ​ര​സ്യ പ്ര​തി​ഷേ​ധ സ​മ​ര​വു​മാ​യി രം​ഗ​ത്തെ​ത്തി​യ​ത്.

പൂരത്തിന്റെ തലേ ദിവസം തെക്കേ ഗോപുരം തുറക്കുന്ന ചടങ്ങ് ജനകീയമാക്കിയത് തെച്ചിക്കോട്ടുകാവ് രാമചന്ദ്രന്റെ സാന്നിധ്യമാണ്. ഇക്കുറിയും പൂരത്തിന് രാമചന്ദ്രൻ വേണമെന്നും അനുമതി നൽകണമെന്നും ആവശ്യപ്പെട്ട് നിവേദനങ്ങളുമായി ആനപ്രേമികളുടെ സംഘടനകൾ സർക്കാർ ഓഫീസുകളെ സമീപിച്ചിരുന്നു. എന്നാൽ,​ തൃശൂർ കളക്ടർ ടി.വി അനുപമയുടെ അദ്ധ്യക്ഷതയിൽ ചേർന്ന നാട്ടാന നിരീക്ഷണസമിതിയോഗമാണ് വിലക്ക് തുടരാൻ തീരുമാനമെടുത്തത്. വിലക്ക് മറികടക്കാൻ സർക്കാർ തലത്തിൽ ശ്രമം തുടരുന്നുണ്ട്.