ന്യൂഡൽഹി: സോഷ്യൽ മീഡിയയിൽ ലോകത്ത് കൂടുതൽ ആളുകൾ പിന്തുടരുന്ന രാഷ്ട്രീയക്കാരിൽ രണ്ടാം സ്ഥാനം പ്രധാനമന്ത്രി നരേന്ദ്ര മോദിക്ക്. ഓൺലൈൻ വിസിബിലിറ്റി മാനേജ്‌മെന്റ്, കണ്ടന്റ് മാർക്കറ്റിംഗ് പ്ലാറ്റ്‌ഫോമായ സെമ്രുഷ് നടത്തിയ പഠനത്തിലാണിത്. അമേരിക്കൻ മുൻ പ്രസിഡന്റ് ബറാക് ഒബാമയാണ് ഒന്നാം സ്ഥാനത്ത്. മോദിക്ക് 11 കോടിയിലധികം ആരാധകരെ കിട്ടിയപ്പോൾ അമേരിക്കൻ പ്രസിഡന്റ് ഡൊണാൾഡ് ട്രംപിന് 96 ലക്ഷം ആളുകളുടെ പിന്തുണ മാത്രമാണുള്ളത്.

എന്നാൽ ട്വിറ്ററിലെ ഫോളോവർമാരുടെ എണ്ണത്തിൽ രണ്ടാമതുള്ള രാഷ്ട്രീയക്കാരൻ ട്രംപാണ്. കോൺഗ്രസ് പ്രസിഡന്റ് രാഹുൽ ഗാന്ധിക്ക് ആഗോളതലത്തിൽ 1.6 കോടി ഫോളോവേഴ്സേ ഉള്ളൂ. മറ്റ് സോഷ്യൽ മീഡിയാ സേവനങ്ങളുമായി താരതമ്യം ചെയ്യുമ്പോൾ രാഷ്ട്രീയക്കാർക്ക് ഏറെ പിന്തുണ ലഭിക്കുന്നത് ട്വിറ്ററിലാണെന്നും സെമ്രുഷ് റിപ്പോർട്ടിൽ പറയുന്നു.

ഫേസ്ബുക്ക്, ട്വിറ്റർ, ഇൻസ്റ്റാഗ്രാം എന്നീ അക്കൗണ്ടുകളിലായി മോദിക്കുള്ളത് - 110,912,648 ഫോളോവേഴ്സ്

ഫേസ്ബുക്ക്, ട്വിറ്റർ, ഇൻസ്റ്റാഗ്രാം എന്നീ അക്കൗണ്ടുകളിലായി ഒബാമയ്‌ക്കുള്ളത് - 182,710,777 ഫോളോവേഴ്സ്