ന്യൂഡൽഹി: ലോക്‌സഭാ തിരഞ്ഞെടുപ്പിൽ വാരാണസിയിൽ പ്രധാനമന്ത്രി നരേന്ദ്രമോദിക്കെതിരെ മത്സരിക്കാനിരുന്ന മുൻ ബി.എസ്​.എഫ്​ ജവാനും സമാജ്​വാദി പാർട്ടി സ്ഥാനാർത്ഥിയുമായ തേ​ജ്​ ബ​ഹാ​ദൂ​ർ യാ​ദ​വിന്റെ ഹർജി സുപ്രീംകോടതി തള്ളി. ചീഫ് ജസ്റ്റിസ് രഞ്ജൻ ഗൊഗോയ് അദ്ധ്യക്ഷനായ ബെഞ്ചാണ് ഹർജി തള്ളിയത്. പ്രധാനമന്ത്രി നരേന്ദ്രമോദിക്കെതിരെ സമാജ് വാദി പാർട്ടി ടിക്കറ്റിൽ മത്സരിക്കാനാണ് തേജ് ബഹാദൂർ പത്രിക നൽകിയിരുന്നത്.

കമ്മീഷന്റെ നടപടി ഏകപക്ഷീയമാണെന്നായിരുന്നു തേജ്​ ബഹാദൂർ ഹർജിയിൽ ആരോപിച്ചത്​. എന്നാൽ,​ ഹർജി കഴമ്പില്ലെന്ന്​ കോടതി നിരീക്ഷിച്ചു. ജ​ന​പ്രാ​തി​നി​ധ്യ നി​യ​മം അ​നു​സ​രി​ച്ച്​ അ​ച്ച​ട​ക്ക ന​ട​പ​ടി​ക്ക്​ വി​ധേ​യ​നാ​യ സ​ർ​ക്കാ​ർ ഉ​ദ്യോ​ഗ​സ്ഥന്​ തി​ര​ഞ്ഞെ​ടു​പ്പി​ൽ മ​ത്സ​രി​ക്കാ​നാ​വില്ലെന്ന് വ്യ​ക്ത​മാ​ക്കി​യാ​ണ്​ മേ​യ്​ ഒ​ന്നി​ന്​ വ​ര​ണാ​ധി​കാ​രി തേ​ജ്​ ബ​ഹാ​ദൂ​റി​ന്റെ പ​ത്രി​ക ത​ള്ളി​യ​ത്. തി​ര​ഞ്ഞെ​ടു​പ്പ്​ ക​മ്മീഷ​ൻ നി​ഷ്​​ക​ർ​ഷി​ച്ച സാ​ക്ഷ്യ​പ​ത്രം ഇ​ല്ലാ​യി​രു​ന്നു​വെ​ന്നും​ വ​ര​ണാ​ധി​കാ​രി അ​റി​യി​ച്ചി​രു​ന്നു.

ഭ​ര​ണ​കൂ​ട​ത്തോ​ടു​ള്ള അ​നു​സ​ര​ണ​ക്കേ​ടോ അ​ഴി​മ​തി​യോ മൂ​ല​മ​ല്ല പു​റ​ത്താ​ക്ക​പ്പെ​ട്ട​ത്​ എ​ന്നാ​ണ്​ സാ​ക്ഷ്യ​പ​ത്ര​ത്തി​ൽ വ്യ​ക്ത​മാ​ക്കേ​ണ്ട​ത്. ഇത്​ തേജ്​ ബഹാദൂർ സമർപ്പിച്ചിട്ടില്ലെന്നും വരണാധികാരി വ്യക്തമാക്കിയിരുന്നു. നാ​മ​നി​ർ​ദേ​ശ പ​ത്രി​ക​ക്കൊ​പ്പം സെെ​ന്യ​ത്തി​ൽ​നി​ന്ന്​ പു​റ​ത്താ​ക്കി​യ ഉ​ത്ത​ര​വ്​ സ​മ​ർ​പ്പി​ച്ചി​രു​ന്നു​വെ​ന്നാണ്​​ തേ​ജ്​ ബ​ഹാ​ദൂ​ർ പ്രതികരിച്ചത്​. സെെ​നി​ക​രു​ടെ ഭ​ക്ഷ​ണം മോ​ശ​മാ​ണെ​ന്ന്​ സ​മൂ​ഹ​മാ​ദ്ധ്യമ​ത്തി​ലൂ​ടെ പ​രാ​തി​പ്പെ​ട്ട​തി​നാ​ണ്​ അ​തി​ർ​ത്തി ര​ക്ഷാ​സേ​ന (ബി.​എ​സ്.​എ​ഫ്)​യി​ൽ​നി​ന്ന്​ ബഹാദൂറിനെതിരെ ന​ട​പ​ടി​യു​ണ്ടാ​യ​ത്.