ന്യൂഡൽഹി: പ്രധാനമന്ത്രിയായിരിക്കെ രാജീവ് ഗാന്ധി ഇന്ത്യൻ നാവികസേനയുടെ യുദ്ധക്കപ്പലായ ഐ.എൻ.എസ് വിരാടിനെ പേഴ്സണൽ ടാക്സിയാക്കിയെന്ന് പ്രധാനമന്തി നരേന്ദ്രമോദി കഴിഞ്ഞ ദിവസം ആരോപിച്ചിരുന്നു. രാജീവ്​ ഗാന്ധിയും കു​ടുംബവും ഐ.എൻ.എസ്​ വിരാടിൽ ലക്ഷദ്വീപിലേക്ക്​ വിനോദയാത്ര നടത്തിയെന്നായിരുന്നു ഡൽഹി രാംലീല മൈതാനത്ത് നടന്ന തിരഞ്ഞെടുപ്പ് റാലിയിൽ മോദിയുടെ ആരോപണം.എന്നാൽ മോദിയുടെ വാദങ്ങൾ കള്ളമാണെന്ന് മുൻ വൈസ് അഡ്മിറൽ വിനോദ് പാസ്രിച്ച വെളിപ്പെടുത്തി. ഗാന്ധി കുടുംബം ഒൗദ്യോഗിക സന്ദർശനമായിരുന്നു നടത്തിയതെന്ന് അന്ന്​ ഐ.എൻ.എസ്​ വിരാടിലുണ്ടായിരുന്ന​ വിനോദ്​ പാസ്രിച്ച പറഞ്ഞു.

ഗാന്ധി കുടുംബത്തിനൊപ്പം വിദേശ സന്ദർശകരും സുഹൃത്തുക്കളും ഉണ്ടായിരുന്നുവെന്ന ആരോപണവും അദ്ദേഹം നിഷേധിച്ചു. രാജീവ്​ ഗാന്ധിയും സോണിയാ ഗാന്ധിയും രാഹുലും രണ്ട് ഐ.എ.എസ് ഉദ്യോഗസ്ഥരുമായിരുന്നു കപ്പലിൽ ഉണ്ടായിരുന്നത്. അമിതാഭാ ബച്ചനും സോണിയാഗാന്ധിയുടെ കുടുംബവും കപ്പിലൽ ഉണ്ടായിരുന്നുലവെന്ന് മോദിയുടെ ആരോപണവും അദ്ദേഹം തള്ളിക്കലഞ്ഞു. സൈന്യത്തെ രാഷ്ട്രീയമായി ഉപയോഗിക്കുന്നതിനെയും അദ്ദേഹം അപലപിച്ചു സമാന രീതിയിൽ ഹോംഗ്കോംഗ് സന്ദർശന സമയത്ത്​ ജവഹർലാൽ നെഹ്​റു അദ്ദേഹത്തിൻെറ മക്കളേയും പേരക്കുട്ടികളേയും ഒപ്പം കൂട്ടിയിരുന്നെന്നും അദ്ദേഹം കൂട്ടി​ച്ചേർത്തു.

സോണിയ ഗാന്ധിയു​ടെ ബന്ധുക്കൾ പോലും കപ്പലിൽ യാത്രക്കുണ്ടായിരുന്നുവെന്നും അവധി ആഘോഷം കഴിഞ്ഞ്​ രാജീവും കുടുംബവും തിരികെ വരും വരെ പത്ത്​ ദിവസം ഐ.എൻ.എസ്​ വിരാട്​ കാത്തു കിടന്നെന്നും മോദി ആരോപിച്ചിരുന്നു. നാവിക സേനാ ഉദ്യോഗസ്ഥരും ദ്വീപിൽ സേവനം ചെയ്​തുവെന്നും മോദി റാലിയിൽ പറഞ്ഞിരുന്നു.