ന്യൂഡൽഹി: ഹിന്ദി ചലച്ചിത്ര നടി സ്വര ഭാസ്കർ യുവാവിന് നൽകിയ മറുപടിയാണ് ഇപ്പോൾ സോഷ്യൽ മീഡിയിൽ വെെറലാകുന്നത്. മോദി വിമർശകരിൽ പ്രധാനിയായിരുന്നു സ്വര ഭാസ്കറിന് പണി കൊടുക്കാനായി എടുത്ത സെൽഫി വീഡിയോയ്ക്കാണ് താരം മറുപടി നൽകിയത്. എയർപോർട്ടിൽ വച്ചായിരുന്നു സംഭവം അരങ്ങേറുന്നത്.

ഒരു യുവാവ് സെൽഫി എടുത്തോട്ടെ എന്നു ചോദിച്ച് സ്വരയുടെ അടുത്തെത്തികയും സ്വര സമ്മതം മൂളുകയും ചെയ്തു. എന്നാൽ സെൽഫിയെടുക്കാതെ വീഡിയോ ഷൂട്ട് ചെയ്ത് മോദി വീണ്ടും അധികാരത്തിലെത്തും എന്ന് പറയുകയും ചെയ്തു. തുടർന്ന് യുവാവ് വീഡിയോ ട്വിറ്ററിൽ പോസ്റ്റ് ചെയ്യുകയും ചെയ്തു. ഇതിന് പിന്നാലെ സ്വര യുവാവിന് മറുപടിയുമായി രംഗത്ത് വരികയായിരുന്നു.

‘എയർപോർട്ടിൽ വെച്ച് ഒരാൾ എന്നോട് സെൽഫി എടുത്തോട്ടെ എന്ന് ചോദിച്ചു. ഞാൻ സമ്മതിക്കുകയും ചെയ്തു, കാരണം അങ്ങനെ വരുന്നവരെ ഞാൻ നിരാശപ്പെടുത്താറില്ല. പക്ഷേ അയാൾ വിഡിയോ ഷൂട്ട് ചെയ്യുകയാണ് ചെയ്തത്. ഇത്തരം വിലകുറഞ്ഞ തന്ത്രങ്ങളാണ് ഭക്തരുടെ മുഖമുദ്രകൾ. ഞാൻ അതിശയപ്പെട്ടുപോയി. പക്ഷേ, ഭക്തരെ സന്തോഷിപ്പിക്കാനാകുന്നതിൽ ഞാൻ ആനന്ദം കണ്ടെത്തുന്നു..’ സ്വര ട്വിറ്ററിൽ കുറിച്ചു.

A guy asks for a selfie @ airport; I oblige ‘coz I don’t discriminate people who want selfies based on their politics. He sneakily shoots a video. Tacky & underhand tactics r trademarks of bhakts. I’m unsurprised. But always glad 2 make bhakts feel like their lives are worthwhile https://t.co/bKyFEOKZQh

— Swara Bhasker (@ReallySwara) May 8, 2019