തിരുവനന്തപുരം : പ്രായം അവശനാക്കിയപ്പോഴും മനസിൽ ഫുട്ബാളിനെ ചേർത്തുപിടിച്ച പ്രതിഭയാണ് കഴിഞ്ഞ ദിവസം അന്തരിച്ച മുൻ ദേശീയ ഫുട്ബാൾ താരം കെ.എം തുളസീദാസ് .

കേ​ര​ള​മ​ട​ക്കം മൂ​ന്ന് സം​സ്ഥാ​ന​ങ്ങൾ​ക്കു​വേ​ണ്ടി സ​ന്തോ​ഷ് ട്രോ​ഫി ക​ളി​ച്ച, 1958 ൽ സി​ലോ​ണിൽ ന​ട​ന്ന പെ​ന്റാം​ഗു​ലർ സി​രീ​സിൽ ഇ​ന്ത്യൻ കു​പ്പാ​യ​മ​ണി​ഞ്ഞ ഈ മുൻ​കാല ഡി​ഫൻ​ഡർ ശ​രീ​രം അ​നു​വ​ദി​ക്കു​ന്ന​തു​വ​രെ ടെ​ലി​വി​ഷ​നിൽ ലോ​ക​ക​പ്പ് മ​ത്സ​ര​ങ്ങൾ ക​ണ്ട് പു​തിയ കാ​ല​ത്തി​ന്റെ കാൽ​പ്പ​ന്തു​ക​ളി​യിൽ ആ​വേ​ശം കൊ​ണ്ടിരുന്നു.
ഒ​ളി​മ്പ്യൻ അ​ബ്ദു​റ​‌​ഹ്‌​മാ​ന്റെ നാ​ട്ടു​കാ​ര​നും കൂ​ട്ടു​കാ​ര​നു​മാ​യി​രു​ന്ന തു​ള​സീ​ദാ​സ് സ്കൂ​ളിൽ പ​ഠി​ക്കു​ന്ന കാ​ല​ത്ത് ത​ടി​മി​ടു​ക്കും കാ​യി​ക​ശേ​ഷി​യും കാ​ര​ണം ക​ളി​ക്ക​ള​ങ്ങ​ളി​ലേ​ക്ക് ഇ​റ​ങ്ങി​യ​താ​ണ്. ഇ​ന്റർ​മീ​ഡി​യ​റ്റി​ന​പ്പു​റ​ത്തേ​ക്ക് പ​ഠ​നം മു​ഴു​പ്പി​ക്കാൻ ക​ളി​ഭ്ര​മം സ​മ്മ​തി​ച്ചി​ല്ല. 1958 ൽ ബോം​ബെ​യി​ലെ ല​ക്ഷ്മി ര​ത്തൻ ക​മ്പ​നി​ക്ക് വേ​ണ്ടി ക​ളി​ക്കാൻ വ​ണ്ടി​ക​യ​റി. ആ വർ​ഷം മ​ഹാ​രാ​ഷ്ട്ര​യ്ക്ക് വേ​ണ്ടി സ​ന്തോ​ഷ് ട്രോ​ഫി​യി​ലും ക​ളി​ച്ചു. തു​ടർ​ന്ന് പെ​ന്റാം​ഗു​ലർ ക​പ്പി​നാ​യി ല​ങ്ക​യി​ലേ​ക്കു​ള്ള (​അ​ന്ന​ത്തെ സി​ലോൺ) യാ​ത്ര. 1960 ൽ ബാം​ഗ്ളൂ​രി​ലെ ചീ​ഫ് ഇൻ​സ്പെ​ക്ട​റേ​റ്റ് ഒ​ഫ് ഇ​ല​ക്ട്രോ​ണി​ക്സ് ടീ​മി​ലെ​ത്തി. 1960 ലും 61 ലും സ​ന്തോ​ഷ് ട്രോ​ഫി ക​ളി​ച്ച​ത് കർ​ണാ​ട​ക​യ്ക്ക് വേ​ണ്ടി. 1960 ൽ ഹൈ​ദ​രാ​ബാ​ദ് പൊ​ലീ​സി​നെ തോ​ല്പി​ച്ച് തൃ​ശൂ​രി​ലെ ചാ​ക്കോ​ളാ​സ് സ്വർ​ണ​ക്ക​പ്പ് സി.​ഐ.​എൽ സ്വ​ന്ത​മാ​ക്കു​മ്പോൾ കാ​ണി​ക​ളു​ടെ ശ്ര​ദ്ധ പി​ടി​ച്ചു​പ​റ്റി​യ​ത് ബാം​ഗ്ളൂർ ടീ​മി​ലെ ഈ മ​ല​യാ​ളി​യാ​യി​രു​ന്നു.
പി​ന്നീ​ടാ​ണ് തി​രു​വ​ന​ന്ത​പു​രം ഏ​ജീ​സ് ഓ​ഫീ​സിൽ ജോ​ലി​ക്ക് ചേർ​ന്ന​ത്. 1963 മു​തൽ 71 വ​രെ സ​ന്തോ​ഷ് ട്രോ​ഫി​യിൽ കേ​ര​ള​ത്തി​നു​വേ​ണ്ടി ക​ളി​ച്ചു. 55​-ാം വ​യ​സു​വ​രെ തി​രു​വ​ന​ന്ത​പു​രം എ ഡി​വി​ഷൻ ലീ​ഗിൽ ക​ളി​ക്കാൻ ക​ഴി​ഞ്ഞു. മൂ​ന്ന് പ​തി​റ്റാ​ണ്ട് ഏ​ജീ​സി​ന് ബൂ​ട്ടു​കെ​ട്ടി​യ​ശേ​ഷം സി.​എ​ഫ്.എ എ​ന്ന ക്ള​ബി​നെ കു​റ​ച്ചു​കാ​ലം പ​രി​ശീ​ലി​പ്പി​ച്ചു.
ബ്ര​സീ​ലി​യൻ താ​രം റോ​ബർ​ട്ടോ കാർ​ലോ​സ് തു​ട​ക​ളു​ടെ വ​ലി​പ്പം കൊ​ണ്ട് ലോ​ക​ത്തെ വി​സ്മ​യി​പ്പി​ക്കു​ന്ന​തി​നു​മു​മ്പ് അ​തേ പ​രി​വേ​ഷ​മു​ണ്ടാ​യി​രു​ന്നു തു​ള​സീ​ദാ​സി​ന്. ആ​ജാ​ന​ബാ​ഹു​വായ തു​ള​സീ​ദാ​സി​നെ മ​റി​ക​ട​ന്നു ഗോ​ള​ടി​ക്കാൻ ഒ​രു​വി​ധ​പ്പെ​ട്ട ഫോർ​വേ​ഡു​ക​ളൊ​ക്കെ ഭ​യ​ന്നി​രു​ന്നു. വാ​ട്ടിയ മു​ട്ട​യും സൂ​പ്പു​മാ​യി​രു​ന്നു അ​ന്ന​ത്തെ ആ​രോ​ഗ്യ​ര​ഹ​സ്യ​മെ​ന്ന് തു​ള​സീ​ദാ​സ് പ​റഞ്ഞിരുന്നു.