തിരുവനന്തപുരം: കേരളവുമായി സഹകരിക്കാൻ നെതർലൻഡ് സന്നദ്ധത അറിയിച്ചു. വിവിധ മന്ത്രാലയങ്ങളുടെയും ഡച്ച് കമ്പനികളുടെയും പ്രതിനിധികളുമായി മുഖ്യമന്ത്രി പിണറായി വിജയൻ നടത്തിയ കൂടിക്കാഴ്ചയിലാണ് സഹകരിക്കാനുള്ള താൽപര്യം അറിയിച്ചത്. വെള്ളപ്പൊക്കത്തെ മറികടക്കാനുള്ള ഡച്ച് മാതൃക മുഖ്യമന്ത്രി നേരിട്ട് വിലയിരുത്തി.

നെതർലാൻഡ് സന്ദർശനത്തിന്റെ ഭാഗമായാണ് മുഖ്യമന്ത്രി പിണറായി വിജയൻ വിവിധ മന്ത്രാലയങ്ങളുടെയും ഡച്ച് കമ്പനികളുടെയും പ്രതിനിധികളുമായി കൂടിക്കാഴ്ച നടത്തിയത്. കേരളത്തിന്റെ വികസന ലക്ഷ്യങ്ങൾക്ക് നെതർലൻഡ് പിന്തുണ നൽകി. കേരളവുമായി സഹകരിക്കാനുള്ള താൽപര്യവും അറിയിച്ചു. വിവിധ മന്ത്രാലയങ്ങളുടെ 20 പ്രതിനിധികളാണ് മുഖ്യമന്ത്രിയുമായി കൂടിക്കാഴ്ച്ച നടത്തിയത്. ഇതിൽ അടിസ്ഥാന സൗകര്യം ജല മാനേജ്‌മെന്റ്, കൃഷി, പരിസ്ഥിതി, ഭക്ഷ്യ മന്ത്രാലയങ്ങളുടെ പ്രതിനിധികൾ ഉൾപ്പെടുന്നു.

കഴിഞ്ഞ ദിവസം നെ​ത​ർ​ല​ൻ​ഡ്‌​സി​ലെത്തിയ മുഖ്യമന്ത്രിയെ ഇ​ന്ത്യ​ൻ അം​ബാ​സ​ഡ​ർ വേ​ണു രാ​ജാ​മ​ണി​യു​ടെ നേ​തൃ​ത്വ​ത്തി​ൽ സ്വീ​ക​രി​ച്ചു. മ​ല​യാ​ളി സ​മൂ​ഹ​ത്തിന്റെ പ്ര​തി​നി​ധി​ക​ളും സ്വീ​ക​രി​ക്കാ​നെ​ത്തി​യി​രു​ന്നു. തു​ട​ർ​ന്ന് അ​ദ്ദേ​ഹം നെ​ത​ർ​ല​ൻ​ഡ്‌​സി​ലെ ഇ​ന്ത്യ​ൻ എം​ബ​സി സ​ന്ദ​ർ​ശി​ച്ചു. ഖ​ര​മാ​ലി​ന്യ സം​സ്‌​ക​ര​ണം, ഗ​താ​ഗ​തം, ഇ​ൻ​റ​ർ​നെ​റ്റ് ഓ​ഫ് തി​ഗ്​​സ് എ​ന്നീ മേ​ഖ​ല​ക​ളി​ലെ സം​വി​ധാ​ന​ങ്ങ​ളെ​ക്കു​റി​ച്ച് ജ​ർ​മ​ൻ, ഡ​ച്ച് ക​മ്പ​നി പ്ര​തി​നി​ധി​ക​ൾ മു​ഖ്യ​മ​ന്ത്രി​യോ​ട് വി​ശ​ദീ​ക​രി​ച്ചിരുന്നു. എ.​ആ​ർ.​എ​ഫ് ട്രാ​ഫി​ക് സൊ​ല്യൂ​ഷ​ൻ​സ്, ടി.​എ​ൻ.​ഒ ബി​ഗ് ഡാ​റ്റ വാ​ല്യു സന്റെർ, സോ​ൻ​റ ഗ്ലോ​ബ​ൽ ഇ​ൻ​ഫ്ര തു​ട​ങ്ങി​യ ക​മ്പ​നി​ക​ളു​ടെ പ്ര​തി​നി​ധി​ക​ളാ​ണ് ഈ ​മേ​ഖ​ല​ക​ളെ​ക്കു​റി​ച്ച് വി​ശ​ദീ​ക​രി​ച്ച​ത്. ചീ​ഫ് സെ​ക്ര​ട്ട​റി ടോം ​ജോ​സ്, അ​ഡീ​ഷ​ന​ൽ ചീ​ഫ് സെ​ക്ര​ട്ട​റി ഡോ. ​വി​ശ്വാ​സ് മേ​ത്ത എ​ന്നി​വ​ർ മു​ഖ്യ​മ​ന്ത്രി​ക്കൊ​പ്പ​മു​ണ്ടാ​യി​രു​ന്നു.