ഡൗണി (കാലിഫോർണിയ): ഇന്ത്യൻ വംശജൻ കാലിഫോർണിയയിൽ വെടിയേറ്റ് മരിച്ചു. മദ്യവില്‍പ്പനശാല ഉടമയായ ഗുർപ്രീത് സിംഗ് (44) ആണ് കൊല്ലപ്പെട്ടത്. ഇക്കഴിഞ്ഞ ഏഴിന് രാത്രി ഡൗണി പാരമൗണ്ട് ബിലവഡിലുള്ള കടയിൽ വച്ചായിരുന്നു സംഭവം. രാത്രി 11 മണിയോടെയാണ് സിംഗിന് വെടിയേറ്റത്. ഈ സമയത്ത് കടയിൽ നിന്നും ഒരാൾ പുറത്തേക്ക് ഓടിപോകുന്ന ദൃശ്യങ്ങൾ സമീപത്തുള്ള സി.സി.ടി.വി ക്യാമറയിൽ നിന്നും ലഭിച്ചു. കവർച്ചാ ശ്രമത്തിനിടെ സിംഗിനുനേരെ മോഷ്ടാവ് നിറയൊഴിച്ചതാകാമെന്നാണ് പ്രാഥമിക നിഗമനം. പ്രതിയെ ഇതുവരെ പിടികൂടാനായിട്ടില്ല. 2015ന് ശേഷം അമേരിക്കയിൽ കൊല്ലപ്പെടുന്ന ഇന്ത്യൻ അമേരിക്കൻ സ്റ്റോർ ക്ലാർക്കുമാരിൽ പത്താമനാണ് രണ്ടു കുട്ടികളുടെ പിതാവായ ഗുര്‍പ്രീത് സിംഗ്.