ന്യൂഡൽഹി: കഴിഞ്ഞ വർഷങ്ങളിൽ ലോക ബാങ്കിന്റെ ബിസിനസ് സൗഹൃദ റാങ്കിംഗില്‍ ഇന്ത്യയ്ക്ക് മികച്ച മുന്നേറ്റമാണ് നടത്തായത്. ഈ വർഷം അത് ആദ്യ 50 റാങ്കിൽ എത്താനാകുമെന്ന് കേന്ദ്രസർക്കാർ പ്രതീക്ഷിക്കുന്നു. ലോകത്തെ ഏറ്റവും മികച്ച ബിസിനസ് അന്തരീക്ഷമുളള രാജ്യങ്ങളുടെ പട്ടികയിലാണ് ഇന്ത്യ മുന്നേറിക്കൊണ്ടിരിക്കുന്നത്.

കഴിഞ്ഞ വർഷത്തെ റാങ്കിങിൽ 100 ൽ നിന്ന് 77 ലേക്ക് ഇന്ത്യയുടെ റാങ്ക് ഉയർന്നിരുന്നു. മറ്റ് രാഷ്ട്രങ്ങളുമായുള്ള വ്യാപാരം,​ നികുതി അടക്കൽ തുടങ്ങിയ മേഖലയിൽ ഇന്ത്യ ഈ വർഷം മികച്ച മുന്നേറ്റം നടത്തുമെന്നും സാമ്പത്തിക നിരീക്ഷകർ വിലയിരുത്തുന്നു. കഴിഞ്ഞ വർഷം ബിസിനസ് റാങ്കിങിൽ ഇന്ത്യ വലിയ പുരോഗതി രേഖപ്പെടുത്തിയിരുന്നു. ഈ വർഷം ആദ്യ 50 റാങ്കിങ്ങിൽ ഇടം നേടുമെന്നാണ് പ്രതീക്ഷിക്കുന്നത്.

ബിസിനസ് ആരംഭിക്കുന്നതിനും ചെയ്യുന്നതിനുമായി ബന്ധപ്പെട്ട പത്ത് ഘടകങ്ങളെ അടിസ്ഥാനമാക്കിയാണ് ലോക ബാങ്ക് രാജ്യങ്ങളുടെ ബിസിനസ് സൗഹൃദ റാങ്കിംഗ് തീരമാനിക്കുന്നത്. ഈ വർഷം ഒക്ടോബറിലാണ് ലോക ബാങ്ക് പുതിയ റിപ്പോർട്ട് പ്രസിദ്ധീക്കുന്നത്.