ന്യൂഡൽഹി: ബലാക്കോട്ട് ആക്രമണം നടക്കുമ്പോൾ മഴമേഘങ്ങൾ ഉപയോഗിച്ച് പാക് റഡാറുകളിൽ നിന്ന് പോർവിമാനങ്ങൾക്ക് രക്ഷ നേടാമെന്ന തന്ത്രത്തക്കുറിച്ചുള്ള പ്രധാനമന്ത്രി നരേന്ദ്രമോദിയുടെ അഭിമുഖം ആസൂത്രിതമാണെന്ന് തെളിയുന്നു. ചോദ്യങ്ങൾ മുൻകൂട്ടി നൽകി നേരത്തെതയ്യാറാക്കിയ തിരക്കഥ പ്രകാരം നടപ്പാക്കിയതാണ് അഭിമുഖം എന്നാണ് ദേശീയമാദ്ധ്യമങ്ങൾ റിപ്പോർട്ട് ചെയ്യുന്നത്.
ന്യൂസ് നേഷൻ എന്ന ചാനലിനാണ് മോദി അഭിമുഖം അനുവദിച്ചത്. അഭിമുഖത്തിന് മുൻപ് തയ്യാറാക്കിയ എല്ലാ ചോദ്യങ്ങളും മോദിക്ക് കൈമാറിയിരുന്നു എന്ന് തെളിയിക്കുന്ന വിവരങ്ങളാണ് പുറത്തുവന്നിരിക്കുന്നത്. അഭിമുഖത്തിനിടെ കവിതയെക്കുറിച്ച് സംസാരിക്കുന്ന ഭാഗത്ത്, കവിതയൊന്ന് കാണിക്കുമോ എന്ന് ചോദിച്ച് അവതാരകൻ പേപ്പറിനായി കൈനീട്ടുന്നു. എന്നാൽ കയ്യക്ഷരം മോശമാണെന്ന് പറഞ്ഞൊഴിയുന്ന മോദിയുടെ കൈവശമുള്ള പേപ്പർ ക്യാമറയിൽ വ്യക്തമായി പതിഞ്ഞിട്ടുണ്ട്.
കവിതയുടെ മുകളിൽ മോദിയോട് ചോദിക്കേണ്ട ചോദ്യം കൃത്യമായി പ്രിന്റ് ചെയ്തിരിക്കുന്നതും കാണാൻ കഴിയും. അഭിമുഖം നടത്തുന്നവരുടെ കൈവശമുണ്ടായിരുന്ന പേപ്പർ തന്നെയാണ് മോദിയുടെ കൈയിലുമുള്ളത്. ഈ ദൃശ്യങ്ങൾ അഭിമുഖത്തിൽ എഡിറ്റ് ചെയ്യപ്പെടാതെ കടന്നുകൂടുകയായിരുന്നുവെന്നാണ് ആരോപണം ഉന്നയിക്കുന്നവർ പറയുന്നത് ട്വിറ്ററിലും മറ്റ് സോഷ്യൽ മീഡിയകളിലും ഇതിന്റെ വിഡിയോ ഉൾപ്പെടെ പ്രചരിക്കുന്നുണ്ട്.
PM Modi is asked to recite a recent poetry of his in the @NewsNationTV intvw. He asks for HIS file which is duly handed over, and he starts fiddling with a bunch of papers. The paper on which there's a printed copy of a poetry also has a printed question on the top.
— Pratik Sinha (@free_thinker) May 13, 2019
1/3 pic.twitter.com/S5TEffE60F