ചെ​ന്നൈ: മൂന്നാംമുന്നണി രൂപീകരണം ലക്ഷ്യമിട്ട് തെ​ലുങ്കാ​ന മു​ഖ്യ​മ​ന്ത്രി കെ. ​ച​ന്ദ്ര​ശേ​ഖ​ര റാ​വു​വും ഡി​.എം​.കെ അ​ദ്ധ്യക്ഷൻ എം.കെ.സ്റ്റാലിനും തമ്മിൽ നടത്തിയ കൂടിക്കാഴ്ച ലക്ഷ്യം കണ്ടില്ല. കൂടിക്കാഴ്ചയിൽ മൂന്നാംമുന്നണി സംവിധാനത്തോട് താത്പര്യമില്ലെന്ന നിലപാട് സ്റ്റാലിൻ ആവർത്തിച്ചതായാണ് റിപ്പോർട്ട്. ചർച്ചയ്ക്ക് ശേഷം ചന്ദ്രശേഖര റാവു മാദ്ധ്യമങ്ങളെ കാണാതെ മടങ്ങുകയും ചെയ്തിരുന്നു.

കോൺഗ്രസ് – ബി.ജെ.പി ഇതര ഫെഡറൽ മുന്നണിക്കായി ശ്രമിക്കുന്ന ചന്ദ്രശേഖര റാവുവുമായുള്ള കൂടിക്കാഴ്ചയിൽ ലോ​ക്സ​ഭാ തി​ര​ഞ്ഞെ​ടു​പ്പി​നു ശേ​ഷം പ്രാ​ദേ​ശി​ക പാ​ർട്ടികൾ വഹിക്കേണ്ട പങ്കിനെക്കുറിച്ചാണ് ചർച്ചയായതെന്നാണ് വിവരം. ഇ​ക്കു​റി കാ​ബി​ന​റ്റ് പ​ദ​വി​കൊ​ണ്ടു​മാ​ത്രം തൃ​പ്തി​പ്പെ​ടി​ല്ലെ​ന്ന സൂ​ച​ന ന​ൽകിയ കെ.​സി​.ആ​ർ ഉ​പ​പ്ര​ധാ​ന​മ​ന്ത്രി പ​ദ​മാ​ണ് ല​ക്ഷ്യം വ​യ്ക്കു​ന്ന​തെ​ന്നാ​ണ് കൂ​ടി​ക്കാ​ഴ്ച​യ്ക്കു​ശേ​ഷം ല​ഭി​ക്കു​ന്ന സൂ​ച​ന​ക​ളെ​ന്ന് ദേശീയ മാദ്ധ്യമം റിപ്പോർട്ട് ചെയ്യുന്നു.

അടുത്ത സർ‌ക്കാരിൽ കിംഗ് മേക്കറാകാനാണ് കെ.സി.ആർ ലക്ഷ്യമിടുന്നത്. അതിനായി ഉപപ്രധാനമന്ത്രി പദമാണ് ലക്ഷ്യമിടുന്നത്. പ്രാ​ദേ​ശി​ക പാ​ർട്ടികൾ ​ഒരുമിച്ച് സ​ർക്കാരിൽ ഒ​രു വ​ലി​യ പ​ങ്ക് ആ​വ​ശ്യ​പ്പെ​ട​ണം. കാ​ബി​ന​റ്റ് പ​ദ​വി​ക​ൾ കൊ​ണ്ട് പ്രാ​ദേ​ശി​ക പാർട്ടികൾ തൃ​പ്തി​പ്പെ​ട​രു​ത്. ന​യ​രൂ​പീ​ക​ര​ണ​ങ്ങ​ളി​ലും ഗ​വ​ർണർമാരുടെ നി​യ​മ​ന​ത്തി​ൽ പോ​ലും പ​ങ്കു​വ​ഹി​ക്കാ​ൻ കഴിയുന്ന തരത്തിൽ പ്രാ​ദേ​ശി​ക ക​ക്ഷി​ക​ൾ വിലപേശൽ നടത്തണം എന്നീ കാര്യങ്ങളാണ് ചന്ദ്രശേഖര റാവു കൂ​ടി​ക്കാ​ഴ്ച​യി​ൽ സൂ​ചി​പ്പി​ച്ച​തെ​ന്നാ​ണു റി​പ്പോർട്ട്.

എ​ന്നാൽ കോൺഗ്രസിനെ മാറ്റിനിറുത്തിയുള്ള ചർച്ചയ്ത്ത് നിലവിൽ താത്പര്യമില്ലെന്ന് ഡി.എം,​കെ നേതൃത്വം അറിയിച്ചു. ആ​ദ്യം കോ​ൺഗ്രസിനെ പിന്തുണയ്ക്കൂ എന്ന ആവശ്യമാണ് സ്റ്റാ​ലി​ൻ മുന്നോട്ടുവച്ചത്. ടി.ആർ.എസ് വൃ​ത്ത​ങ്ങ​ൾ ഈ ​ആ​വ​ശ്യം പൂർണമായും ത​ള്ളി​ക്ക​ള​ഞ്ഞി​ട്ടു​മി​ല്ല.

ത​മി​ഴ്നാ​ട്, ആ​ന്ധ്രാ​പ്ര​ദേ​ശ്, കേ​ര​ളം എ​ന്നി​വി​ട​ങ്ങ​ളി​ൽ ​നി​ന്നു പി​ന്തു​ണ ഉ​റ​പ്പാ​ക്കി​യാ​ൽ വി​ല​പേ​ശ​ൽ ക​രു​ത്ത് വർദ്ധിപ്പിക്കാമെന്നും മമ​ത ബാ​ന​ർ​ജി, മാ​യാ​വ​തി എ​ന്നി​വ​രെ ദു​ർബലപ്പെടുത്താമെന്നും കെ​.സി​.ആ​ർ ക​രു​തു​ന്നു. ത​മി​ഴ്നാ​ട്ടി​ൽ 39 ലോ​ക്‌സ​ഭാ സീ​റ്റു​ക​ളും ബം​ഗാ​ളി​ൽ 42 എ​ണ്ണ​വു​മാ​ണു​ള്ള​ത്. ക​ഴി​ഞ്ഞ വ​ർഷം നി​യ​മ​സ​ഭാ തി​ര​ഞ്ഞെ​ടു​പ്പി​ൽ ടി.ആർ.എസ് തെലുങ്കാന തൂത്തുവാരിയിരുന്നു.

ആ​ന്ധ്ര​യി​ൽ ​നി​ന്ന് വൈ​.എ​സ്‌.ആ​ർ കോ​ൺഗ്രസിന്റെ പി​ന്തു​ണയും ചന്ദ്രശേഖര റാവു തേടിയിട്ടുണ്ട്. ദക്ഷിണേന്ത്യ ഒ​രുമിച്ചുനിന്നാൽ അ​ടു​ത്ത സ​ർക്കാരിൽ പ്രാ​ദേ​ശി​ക പാ​ർട്ടികളുടെ കരുത്ത് ഇരട്ടിയാകുമെന്ന് കെ​.സി​.ആ​ർ ചൂ​ണ്ടി​ക്കാ​ട്ടു​ന്നു. ഡി.എം.കെയുടെ മുതിർന്ന നേതാക്കളായ ദുരൈമുരുകൻ, ടി.ആർ.ബാലു എന്നിവരും ചർച്ചയിൽ പങ്കെടുത്തു.