വിജയ് ആരാധകർ ആകാംക്ഷയോടെ കാത്തിരിക്കുന്ന പുതിയ ചിത്രം ദളപതി 63-ൽ നിവിൻ പോളിയുടെ നായിക അഭിനയിക്കുന്നു. ജേക്കബിന്റെ സ്വർഗരാജ്യം എന്ന ചിത്രത്തിൽ നിവിൻ പോളിയുടെ നായികയായി അഭിനയിച്ച റീബാ മോണിക്ക ജോണാണ് വിജയ്ക്കൊപ്പം അഭിനയിക്കുന്നത് . ചിത്രത്തിന്റെ ലൊക്കേഷൻ സ്റ്റിൽസ് കഴിഞ്ഞ ദിവസം ട്വിറ്ററിലൂടെ പുറത്തുവിട്ടിരുന്നു. പൊള്ളലേറ്റ പെൺകുട്ടിയുടെ വേഷത്തിലാണ് ചിത്രത്തിൽ റീബ എത്തുന്നത്.
സർക്കാറിന് ശേഷം വിജയ് അഭിനയിക്കുന്ന ഈ ചിത്രം ഒരു സ്പോർട്സ് ത്രില്ലറാണ് . തെരി , മെർസൽ എന്നീ ചിത്രങ്ങളുടെ സംവിധായകനായ ആറ്റ് ലീ യാണ് ചിത്രം സംവിധാനം ചെയ്യുന്നത്. നയൻതാരയാണ് വിജയ് യുടെ നായികയായി എത്തുന്നത്. വനിതാ ഫുട്ബാൾ ടീമിന്റെ കോച്ചായ മൈക്കിൾ എന്ന കഥാപാത്രത്തെയാണ് വിജയ് അവതരിപ്പിക്കുന്നത്. ജാക്കി ഷൊറോഫ് , കതിർ, ഇന്ദുജാ രവിചന്ദ്രൻ എന്നിവരാണ് ചിത്രത്തിലെ മറ്റ് താരങ്ങൾ. ബിഗ് ബഡ്ജറ്റിൽ ഒരുക്കുന്ന ചിത്രം നിർമ്മിക്കുന്നത് എ.ജി. എസ് എന്റർടെയ്ൻമെന്റാണ് . ഒക്ടോബർ 27 നു ചിത്രം തിയേറ്ററുകളിൽ എത്തും.