മമ്മൂട്ടിയെ നായകനാക്കി ഖാലിദ് റഹ്മാൻ സംവിധാനം ചെയ്യുന്ന ഉണ്ടയുടെ ടീസർ പുറത്തിറങ്ങി. ഒരു മിനുട്ടോളം ദെെർഘ്യമുള്ള വീഡിയോ ആണ് അണിയറ പ്രവർത്തകർ പുറത്ത് വിട്ടിരിക്കുന്നത്. കണ്ണൂരിൽ നിന്ന് ഛത്തീസ്ഗഢിലേക്ക് ഇലക്ഷൻ ഡ്യൂട്ടിക്കായിപോകുന്ന ഒരു സബ് ഇൻസ്‌പെക്ടറുടെ വേഷമാണ് ഉണ്ടയിൽ മമ്മൂട്ടി അവതരിപ്പിക്കുന്നത്. ചിത്രത്തിൽ മമ്മൂട്ടിക്കൊപ്പം ആസിഫ് അലിയും പൊലീസ് വേഷത്തിൽ പ്രത്യക്ഷപ്പെടുന്നുണ്ട്.

ഡ്രീം മിൽ സിനിമാസിന്റെ ബാനറിൽ കൃഷ്ണൻ സേതുകുമാർ നിർമ്മിക്കുന്ന ഉണ്ടയുടെ രചന നിർവഹിക്കുന്നത് ഹർഷാദാണ്. ജിംഷി ഖാലിദാണ്ഛായാഗ്രാഹകൻ. ദംഗൽ ഉൾപ്പെടെയുള്ള ഒട്ടേറെ ബോളിവുഡ് ചിത്രങ്ങൾക്ക് സംഘട്ടന സംവിധാനം നിർവഹിച്ച ശ്യാം കൗശലാണ് ഉണ്ടയിലെ ആക്ഷൻ സീക്വൻസുകൾ ഒരുക്കുന്നത്. ചിത്രത്തിൽ അർജുൻ അശോകൻ, ഷൈൻ ടോം ചാക്കോ, ജേക്കബ് ഗ്രിഗറി തുടങ്ങിയവരോടൊപ്പം ഒട്ടേറെ അന്യഭാഷാ താരങ്ങളും അണിനിരക്കുന്നുണ്ട്.