തിരുവനന്തപുരം: മുൻ മന്ത്രിയും കോൺഗ്രസ് നേതാവുമായ കടവൂർ ശിവദാസൻ അന്തരിച്ചു. ഇന്ന് പുലർച്ചെ 4.50ന് തിരുവനന്തപുരത്തെ സ്വകാര്യ ആശുപത്രിയിൽ വച്ചായിരുന്നു അന്ത്യം. നിയമസഭാംഗമായ അഞ്ചു തവണയിൽ നാലു പ്രാവശ്യവും മന്ത്രിയായി. കരുണാകരൻ, ആന്റണി മന്ത്രിസഭകളിൽ അംഗമായിരുന്നു. വൈദ്യുതി, തൊഴിൽ, വനം, എക്‌സൈസ്, ആരോഗ്യ വകുപ്പുകളുടെ ചുമതല വഹിച്ചു. കൊല്ലം, കുണ്ടറ മണ്ഡലങ്ങളെ നിയമസഭയിൽ പ്രതിനിധീകരിച്ചു.

രാവിലെ 10 മുതൽ കൊല്ലം ഡി.സി.സിയിലും 11.30 മുതൽ ആനന്ദവല്ലീശ്വരത്തെ വീട്ടിലും പൊതുദർശനത്തിന് വയ്ക്കും. വൈകുന്നേരം നാലിന് കൊല്ലം മുളങ്കാടം ശ്മശാനത്തിലാണ് സംസ്‌കാരം.