തന്റെ തിരക്കുകൾക്കിടയിലും സമൂഹികമാദ്ധ്യമങ്ങളിൽ വളരെ സജീവമായ വ്യക്തിയാണ് മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്ര. തമാശകളും ഏതെങ്കിലും വിഷയത്തോടുള്ള പ്രതികരണങ്ങളുമൊക്കെ അദ്ദേഹം ട്വിറ്ററിലൂടെ പങ്കുവയ്‌ക്കാറുണ്ട്.ഇപ്പോഴിതാ, ട്വിറ്ററിൽ പങ്കുവെച്ച ഒരു ചിത്രത്തിന് ആനന്ദ് നൽകിയ ക്യാപ്ഷനാണ് സമൂഹമാദ്ധ്യങ്ങളിൽ ചിരിപടർത്തിയിരിക്കുന്നത്.

ഭാര്യ പറയുന്നത് ശ്രദ്ധിക്കാതിരിക്കാൻ 62വർഷത്തോളം മൂകനും ബധിരനുമായി അഭിനയിച്ച ഒരാളുടെ വാർത്തയാണ് അനന്ദ് ട്വിറ്ററിൽ പങ്കുവെച്ചിരിക്കുന്നത്. അതിന് ക്യാപ്ഷനായി 'ഈ വാർത്ത വായിച്ച് അഞ്ച് മിനിട്ട് ഞാൻ നിർത്താതെ ചിരിച്ചു. എന്നിട്ട് ഭാര്യയോട് ചോദിച്ചു ഇതുപോലെ ഞാനും നിന്നെ വിഡ്ഢിയാക്കിയിരുന്നെങ്കിലോ? ഒട്ടും ആലോചിക്കാതെ അവൾ മറുപടി നൽകി. ശരിക്കും? അഞ്ചുമിനിട്ടെങ്കിലും ഫോണിൽ സംസാരിക്കാതിരിക്കാൻ നിങ്ങൾക്ക് സാധിക്കുമോയെന്നായിരുന്നു ഇതിനുള്ള ഭാര്യയുടെ മറുപടി.

മിടുക്കിയായ ഭാര്യയുണ്ടായാലുള്ള അപകടങ്ങൾ' എന്നായിരുന്നു ചിത്രത്തിന് അദ്ദേഹം നൽകിയ ക്യാപ്ഷൻ. ട്വിറ്റ് ഇപ്പോൾ സമൂഹമാദ്ധ്യമങ്ങളിൽ വൈറലായിക്കൊണ്ടിരിക്കുകയാണ്‌.

Laughed non-stop for 5 mins on reading this. Asked my wife if I could have fooled her like this. She didn’t waste even a few seconds in replying: She said “Really? Would you have lasted 5 mins without speaking into your cellphone?” Aah, the perils of having a smart wife! pic.twitter.com/msWJLbB1ZD

— anand mahindra (@anandmahindra) April 28, 2019