രാജാക്കാട്: ആനയിറങ്കൽ ജലാശയത്തിൽ ചൂണ്ടയിടുന്നതിനിടെ മദ്ധ്യവയസ്‌കൻ മുങ്ങിമരിച്ചു. ആദിവാസിയായ ചിന്നക്കനാൽ ടാങ്കുകുടി മയിൽസാമി (45) യാണ് മരിച്ചത്. ഇന്നലെ രാവിലെ ചൂണ്ടയിട്ട് മീൻ പിടിക്കാൻ വീട്ടിൽ നിന്ന് പോയതായിരുന്നു. പതിനൊന്നോടെ മീൻ പിടിക്കാൻ എത്തിയവർ കാണുന്നത് മുന്നൂറ്റിയൊന്ന് കോളനിക്ക് എതിർഭാഗത്ത് കരയോടടുത്ത് വെള്ളത്തിൽ മയിൽസാമി കമിഴ്ന്ന് കിടക്കുന്നതാണ്. ചൂണ്ടയിടുന്നതിനിടെ അപസ്മാരം വന്ന് വെള്ളത്തിൽ വീണതാണെന്നാണ് നിഗമനം. മറയൂർ സ്വദേശിയായ മയിൽസാമി കുറച്ച് നാൾ മുമ്പാണ് കുടുംബസമേതം ടാങ്ക് കുടിയിൽ താമസത്തിനെത്തിയത്. ഭാര്യ: സെൽവി. മക്കൾ: മീനാക്ഷി, സെൽവകുമാർ, പരമേശ്വരി.