ന്യൂഡൽഹി: പ്രധാനമന്ത്രിയായി തുടർച്ചയായി രണ്ടാം തവണ സത്യപ്രതിജ്ഞ ചെയ്യുന്നതിന്​ മുമ്പ്​ നരേന്ദ്രമോദി അമ്മ ഹീരാബെന്നിനെ കണ്ട് അനുഗ്രഹം വങ്ങും. ഇതിനായി ഇന്ന് മോദി ഗുജറാത്തിലെത്തും. ട്വിറ്ററിലൂടെയാണ്​ അദ്ദേഹം ഇക്കാര്യം അറിയിച്ചത്​. കഴിഞ്ഞ മാസം വാരണാസി ലോക്​സഭ മണ്ഡലത്തിൽ നാമനിർദ്ദേശ പത്രിക നൽകുന്നതിന്​ മുമ്പും അദ്ദേഹം അമ്മയെ സന്ദർശിച്ചിരുന്നു. അന്ന് 20 മിനിട്ടോളം മോദി അമ്മയ്ക്കൊപ്പം ചെലവഴിച്ചിരുന്നു. അഹമ്മദാബാദിൽ നരേന്ദ്രമോദിയുടെ സഹോദരൻ പങ്കജ് മോദിക്കൊപ്പമാണ് ഹീരാബെൻ താമസിക്കുന്നത്.

അമ്മയെ സന്ദർശിച്ച ശേഷം തനിക്ക്​ ലഭിച്ച പിന്തുണയ്ക്ക്​ നന്ദി അറിയിക്കുന്നതിനായി അദ്ദേഹം വാരണാസിയിലേക്ക്​ പോകും. 4.8 ലക്ഷം വോട്ടുകളുടെ ഭൂരിപക്ഷത്തിലാണ് വാരണാസിയിൽ മോദി വിജയിച്ചത്. തുടർന്ന്​ നാളെ അദ്ദേഹം കാശിയിലെത്തി പ്രവർത്തകരെ അഭിസംബോധന ചെയ്യും.