പാലക്കാട്: പാലക്കാട് കണ്ണനൂരിൽ സി.പി.എം കോൺഗ്രസ്‌ സംഘർഷത്തിൽ നാലുപേർക്ക് പരിക്കേറ്റു. രണ്ട് കോൺഗ്രസ് പ്രവർത്തകർക്കും രണ്ട് സി.പി.എം പ്രവർത്തകർക്കുമാണ് പരിക്കേറ്റത്.

ലോക്‌സഭാ തിരഞ്ഞെടുപ്പിന്റെ ഫലം വന്നതിന് പിന്നാലെ ജില്ലയിൽ പലയിടത്തും സി.പി.എം -കോൺഗ്രസ് പ്രവർത്തകർ ഏറ്റുമുട്ടിയിരുന്നു. പാലക്കാട് ഡി.സി.സി ഓഫീസിന് നേരെയും ആക്രമണം നടന്നു. ആക്രമണത്തിന് പിന്നിൽ സി.പി.എമ്മാണെന്ന് കോൺഗ്രസ് ആരോപിച്ചിരുന്നു.

പാലക്കാട്ടെ മുൻ എം.പി എം.ബി രാജേഷിന്റെ വീട്ടിന് നേരെയും ഫലപ്രഖ്യാനത്തിന് പിന്നാലെ ഒരു സംഘം പടക്കമെരിഞ്ഞിരുന്നു,​ ആക്രമണം നടത്തിയവർ രാജേഷിന്റെ മാതാപിതാക്കൾക്ക് നേരെ അസഭ്യവർഷം നടത്തിയെന്നും രാജേഷ് പറഞ്ഞിരുന്നു.. കോൺഗ്രസ് പ്രവർത്തകരാണ് ആക്രമണം നടത്തിയതെന്നും രാജേഷ് ആരോപിച്ചു.