റായ്ബറേലി: രാജ്യത്തിന്റെ അടിസ്ഥാന മൂല്യങ്ങളുടെ സംരക്ഷണത്തിനായി താൻ എന്തും ത്യജിക്കാൻ തയ്യാറാണെന്ന് യു.പി.എ അദ്ധ്യക്ഷ സോണിയ ഗാന്ധി. തിരഞ്ഞെടുപ്പിൽ വിജയിപ്പിച്ചതിന് റായ്ബറേലിയിലെ ജനങ്ങളോട് നന്ദി പറഞ്ഞു കൊണ്ടുള്ള കത്തിലായിരുന്നു സോണിയയുടെ അഭിപ്രായ പ്രകടനം. തനിക്കെതിരെ സ്ഥാനാർത്ഥികളെ നിറുത്താത്തതിൽ സമാജ് വാദി പാർട്ടിയോടും ബഹുജൻ സമാജ് പാർട്ടിയോടും സോണിയ നന്ദി പറഞ്ഞു. ഇനി വരുന്ന ദിവസങ്ങൾ കഠിനമായിരിക്കുമെന്നും പൊതുജനങ്ങളുടെ ശക്തിയും പിന്തുണയും ഒപ്പമുള്ളത് കൊണ്ട് കോൺഗ്രസ് എല്ലാ വെല്ലുവിളികളും നേരിടുമെന്നും റായ്ബറേലി തന്റെ കൂട്ടുകുടുംബമാണെന്നും സോണിയ കത്തിൽ പറയുന്നു.