കൊൽക്കത്ത​: ശാരദ ചിട്ടിത്തട്ടിപ്പ് കേസിൽ പ​ശ്ചി​മ ബം​ഗാ​ൾ മു​ഖ്യ​മ​ന്ത്രി മ​മ​ത ബാ​ന​ർജിയുടെ വിശ്വസ്തനും കൊൽക്കത്ത മുൻപൊലീസ് കമ്മിഷണറുമായ രാ​ജീ​വ് കു​മാ​റി​ന് സി.ബി.ഐ സമൻസ് നൽകി. കൊൽക്കത്തയിലെത്തിയാണ് സി.ബി.ഐ സമൻസ് നൽകിയത്. കേ​സു​മാ​യി ബ​ന്ധ​പ്പെ​ട്ട് തി​ങ്ക​ളാ​ഴ്ച ചോ​ദ്യം ചെ​യ്യ​ലി​നു ഹാ​ജ​രാ​ക​ണ​മെ​ന്നും രാ​ജീ​വ് കു​മാ​റി​നോട് ആവശ്യപ്പെട്ടു.

കേ​സി​ൽ തെ​ളി​വു​കൾ ന​ശി​പ്പി​ച്ചെ​ന്ന ആ​രോ​പ​ണ​ത്തി​ലാ​ണ് രാ​ജീ​വ് കു​മാ​റി​നെ ചോ​ദ്യം ചെ​യ്യു​ന്ന​ത്. അ​ന്വേ​ഷ​ണ ത​ല​വ​നാ​യി​രി​ക്കെ രാ​ജീ​വ് കു​മാർ കേ​സ് അ​ട്ടി​മ​റി​ക്കാ​ൻ തെ​ളി​വു​ക​ൾ ന​ശി​പ്പി​ച്ചെ​ന്നാ​ണ് ആ​രോ​പ​ണം. രാ​ജീ​വ് കു​മാ​റി​നെ സി​.ബി.​ഐ തി​ങ്ക​ളാ​ഴ്ച അ​റ​സ്റ്റ് ചെ​യ്തേ​ക്കു​മെ​ന്നാണ് റിപ്പോർട്ടുകൾ.രാജീവ് കുമാർ രാജ്യം വിടാന്‍ സാദ്ധ്യതയുണ്ടെന്ന് കാണിച്ച് സി.ബി.ഐ ലുക്ക് ഔട്ട് നോട്ടീസും പുറപ്പെടുവിച്ചിരുന്നു.

ത​ന്റെ അ​റ​സ്റ്റ് ത​ട​യ​ണ​മെ​ന്ന് ആ​വ​ശ്യ​പ്പെ​ട്ട് രാ​ജീ​വ് കു​മാ​ർ ന​ൽകി​യ ഹ​ർജി വെ​ള്ളി​യാ​ഴ്ച സുപ്രീം കോടതി ത​ള്ളി​യി​രു​ന്നു. നേരത്തെ രാ​ജീ​വ് കു​മാ​റി​നെ അ​റ​സ്റ്റ് ചെ​യ്യു​ന്ന​ത് ഏ​ഴു ദി​വ​സ​ത്തേ​ക്ക് കോ​ട​തി ത​ട​ഞ്ഞി​രു​ന്നു. ഇ​തി​ന്റെ കാ​ലാ​വ​ധി വെ​ള്ളി​യാ​ഴ്ച അ​വ​സാ​നി​ച്ചു. ഇ​ത് നീ​ട്ടി​ക്കി​ട്ട​ണ​മെ​ന്ന് ആ​വ​ശ്യ​പ്പെ​ട്ടാ​ണ് രാ​ജീ​വ് കു​മാ​ർ കോ​ട​തി​യെ സ​മീ​പി​ച്ച​ത്.

രാ​ജീ​വ് കു​മാ​റി​ന്റെ നേ​തൃ​ത്വ​ത്തി​ലു​ള്ള പ്ര​ത്യേ​ക അ​ന്വേ​ഷ​ണ സം​ഘ​മാ​യി​രു​ന്നു 2500 കോ​ടി​രൂ​പ​യു​ടെ ശാ​ര​ദ ചി​ട്ടി​ത​ട്ടി​പ്പു​മാ​യി ബ​ന്ധ​പ്പെ​ട്ട് കേ​സ് അ​ന്വേ​ഷി​ച്ചി​രു​ന്ന​ത്. 2013ൽ ​മ​മ​ത ബാ​ന​ർജിയാണ് രാ​ജീ​വ് കു​മാ​റി​ന്റെ നേ​തൃ​ത്വ​ത്തി​ലു​ള്ള പ്ര​ത്യേ​ക അ​ന്വേ​ഷ​ണ സം​ഘ​ത്തെ നി​യോ​ഗി​ച്ച​ത്. തു​ട​ർന്ന് 2014ൽ ​കേ​സ് സി.​ബി​.ഐ​യ്ക്ക് കൈ​മാ​റാ​ൻ കോ​ട​തി ഉ​ത്ത​ര​വി​ട്ടു.

നേരത്തെ രാജീവ് കുമാറിനെ സി.ബി.ഐ വേട്ടയാടുന്നുവെന്നാരോപിച്ച് മമതാ ബാനർജി രംഗത്തെത്തിയിരുന്നു. രാജീവ് കുമാറിന്റെ വീട് റെയ്ഡ് ചെയ്യാനുള്ള ശ്രമത്തെ പൊലീസിനെ ഉപയോഗിച്ച് തടയുകയും കേന്ദ്രസർക്കാറിനെതിരെ സമരവുമായി രംഗത്തെത്തുകയും ചെയ്തിരുന്നു.