മലപ്പുറം: ഭീകരസംഘടനകളായ ഐസിസിനെയും മറ്റും അനുകൂലിച്ച് ഫേസ്ബുക്കിൽ മതസാമുദായിക വിദ്വേഷവും വർഗീയതയുമുണ്ടാക്കുന്ന പോസ്റ്റുകളിട്ട കേസിലെ പ്രതി അറസ്റ്റിൽ. മഞ്ചേരി ആനക്കയം കളത്തിങ്ങൽപടി സ്വദേശി അസ്‌കറിനെയാണ് (47) മഞ്ചേരി പൊലീസ് പിടികൂടിയത്. വർഗീയ പരാമർശങ്ങളും തീവ്രതയുള്ള സന്ദേശങ്ങളും തീവ്രവാദ സംഘടനകളെ ന്യായീകരിക്കുന്ന പോസ്റ്റുകളും ഇയാൾ പ്രചരിപ്പിച്ചതായി പൊലീസിന്റെ രഹസ്യാന്വേഷണത്തിൽ കണ്ടെത്തിയിരുന്നു. തുടർന്ന് ഇയാൾ നിരീക്ഷണത്തിലായിരുന്നു. മലപ്പുറം ഡിവൈ.എസ്.പി ജലീൽ തോട്ടത്തിൽ, മഞ്ചേരി സി.ഐ എൻ.ബി. ഷൈജു, എസ്.ഐ ഇ.ആർ.ബൈജു എന്നിവരടങ്ങിയ സംഘമാണ് പ്രതിയെ പിടികൂടിയത്.