പട്ടാമ്പി: തൃത്താലയിൽ നിന്നും കാറിൽ കടത്താൻ ശ്രമിച്ച 88 ലക്ഷം രൂപയുടെ കുഴൽപ്പണം പൊലീസ് പിടികൂടി. സംഭവത്തിൽ പട്ടാമ്പി സ്വദേശി ധനഞ്ജയൻ (24)നെ അറസ്റ്റ് ചെയ്തു. മാരുതി എർട്ടിക്ക കാറിൽ രഹസ്യ അറയിൽ സൂക്ഷിച്ച കുഴൽപ്പണം തൃത്താല ഞാങ്ങാട്ടിരിയിൽ നിന്ന് കടത്താൻ ശ്രമിക്കുന്നിടയാണ് പിടികൂടിയത്.
രഹസ്യ വിവരത്തെ തുടർന്ന് തൃത്താല എസ്.ഐ ഐ.സി.ചിത്തരഞ്ജന്റെ നേതൃത്വത്തിലുള്ള സംഘം നടത്തിയ വാഹന പരിശോധനയിലാണ് പ്രതി പിടിയിലായത്. പട്ടാമ്പി ഭാഗത്തുനിന്നും കൂറ്റനാട് ഭാഗത്തേക്ക് പോകുകയായിരുന്ന കാർ ഞങ്ങാട്ടിരി ഭഗത്തു വച്ച് പൊലീസ് തടയുകയായിരുന്നു. 2000, 500, 200 എന്നീ നോട്ടുകെട്ടുകളാണ് കണ്ടെത്തിയത്. ധനഞ്ജയനെ കോടതിയിൽ ഹാജരാക്കി.