പത്ത​നം​തിട്ട : ഉദ്യോഗ​സ്ഥ​രുടെ നിർദ്ദേ​ശാ​നു​സ​രണം ഭവ​ന​നിർമ്മാ​ണ​ത്തി​നുള്ള ധന​സ​ഹായം ലഭി​ക്കു​ന്ന​തിന് താമ​സി​ച്ചു​വ​ന്നി​രുന്ന വീട് പൊളി​ച്ചു​മാ​റ്റിയ പട്ടി​ക​ജാതി വിഭാ​ഗ​ക്കാ​രന് അടി​യ​ന്ത​ര​മായി ​സ​ഹായധനം അനു​വ​ദി​ക്ക​ണ​മെന്ന് സംസ്ഥാന മനു​ഷ്യാ​വ​കാശ കമ്മി​ഷൻ.
ആനി​ക്കാട് ഗ്രാമ​പ​ഞ്ചാ​യത്ത് സെക്ര​ട്ട​റി​ക്കാണ് കമ്മി​ഷൻ അംഗം കെ. മോഹൻകു​മാർ നിർദ്ദേശം നൽകി​യ​ത്.
ആനി​ക്കാട് മുറി​ഞ്ഞ​ക​ല്ലിൽ വീട്ടിൽ എം.​കെ.കൃഷ്ണൻ നൽകിയ പരാ​തി​യി​ലാണ് നട​പ​ടി. 2015​-16 കാല​യ​ള​വി​ലാണ് പരാതി​ക്കാ​രൻ ഭവ​ന​നിർമ്മാണ പദ്ധ​തി​യിൽ ധന​സ​ഹാ​യ​ത്തിന് അപേക്ഷ നൽകി​യ​ത്.
കമ്മിഷൻ ആനി​ക്കാട് ഗ്രാമ​പ​ഞ്ചാ​യത്ത് സെക്ര​ട്ട​റി​യിൽ നിന്ന് റിപ്പോർട്ട് വാങ്ങി. 2009​-10 ൽ ഐ.എ.വൈ പദ്ധതി പ്രകാരം പരാ​തി​ക്കാ​രന് ആനു​കൂ​ല്യം നൽകി​യി​ട്ടു​ണ്ടെന്നും ലൈഫ് ഭവന പദ്ധതി പ്രകാരം സഹായം നൽകാ​നാ​വി​ല്ലെന്നും റിപ്പോർട്ടിൽ പറ​യു​ന്നു. എന്നാൽ സ്ഥല പരി​ശോ​ധ​ന​യിൽ പരാ​തി​ക്കാ​രന്റെ അവസ്ഥ പരി​താ​പ​ക​ര​മാ​ണെന്നും റിപ്പോർട്ടിൽ പറ​യു​ന്നുണ്ട്. പി.​എം.​എ.​വൈ, ആവാസ് പ്ലാനിൽ പരാ​തി​ക്കാ​രനെ ഉൾപ്പെ​ടു​ത്തി​യിട്ടു​ണ്ടെന്നും ഇതിന്റെ മാന​ദ​ണ്ഡം തീരു​മാ​നി​ക്കു​ന്നത് കേന്ദ്ര സർക്കാ​രാ​ണെന്നും റിപ്പോ​ർ​ട്ടിൽ പറ​യു​ന്നു. എന്നാൽ പ്രസ്തുത റിപ്പോർട്ട് ഗ്രാമ​പ​ഞ്ചാ​യത്ത് സമി​തിയും ജില്ലാ ഭര​ണ​കൂടവും വില​യി​രു​ത്തി​യി​ട്ടി​ല്ലെന്ന് കമ്മിഷൻ ചൂണ്ടി​ക്കാ​ണി​ച്ചു. ഇതിന്റെ പ്രായോ​ഗി​ക​തയോ കാല​യ​ളവോ വ്യ​ക്ത​മാ​ക്കി​യി​ട്ടി​ല്ലെന്നും ഉത്ത​ര​വിൽ പറ​യു​ന്നു.
പത്ത് വർഷം മുമ്പ് ആനു​കൂ​ല്യം ലഭി​ച്ച​തിന്റെ പേരിൽ ഭവ​ന​പു​ന​രു​ദ്ധാ​രണ പദ്ധ​തി​യിൽ നിന്ന് പരാ​തി​ക്കാ​രനെ ഒഴി​വാ​ക്കേ​ണ്ട​തി​ല്ലെന്ന് കമ്മിഷൻ ചൂണ്ടി​ക്കാ​ണി​ച്ചു. ഹൃദ്‌രോഗി​യായ പരാ​തി​ക്കാ​രന് കൂലി​പ്പ​ണിക്ക് പോലും പോകാ​നാ​വി​ല്ലെന്നും ഉത്ത​ര​വിലുണ്ട്.
ജില്ലാ പട്ടി​ക​ജാതി ക്ഷേമ​ ഓ​ഫീ​സർ പരാ​തി​ക്കാ​രനും കുടും​ബ​ത്തിനും എന്തെല്ലാം സഹായം നൽകാൻ കഴി​യു​മെന്ന് പരി​ശോ​ധി​ക്ക​ണ​മെന്ന് കമ്മീ​ഷൻ ആവ​ശ​്യ​പ്പെ​ട്ടു.