പന്തളം: ലളിതമായ ചടങ്ങുകളോടെ പന്തളം വലിയ തമ്പുരാട്ടി തന്വംഗി നൂറാം പിറ​ന്നാളാഘോഷിച്ചു. പന്തളം കൊട്ടാരത്തിലെ ത​ലമൂത്ത തമ്പുരാട്ടിയുടെ അനുഗ്രഹം തേടിയെത്തിയവരിൽ കുടുംബാംഗങ്ങളും ഭ​ക്തരും പ്രമുഖ വ്യക്തികളുമുണ്ട്. രണ്ടു ദിവസങ്ങളിലായാണ് കൈപ്പുഴ വടക്കേ​മുറി കൊട്ടാരത്തിൽ ചടങ്ങ് ഒരുക്കിയിരുന്നത്. കുടുംബാംഗങ്ങളവതരിപ്പിച്ച കലാപരിപാടികളും പാലസ് വെൽഫെയർ സൊസൈറ്റി സമർപ്പണമായി നടത്തിയ ചാക്യാർ കൂത്തും ഗാനവിരുന്നും വീണക്കച്ചേരിയും നടന്നു. തമ്പുരാട്ടി​യുടെ ആയുരാരോഗ്യത്തിനായി പ്രത്യേക പൂജകളും പിറന്നാൾ സദ്യയും ന​ടത്തി. പന്തളം കൊട്ടാരം വലിയ തമ്പുരാൻ പി. രാമവർമ്മരാജ പിറ​ന്നാളാഘോ​ഷത്തിൽ പങ്കെടുത്തു. കുമ്മനം രാജശേഖരൻ, ശബരിമല തന്ത്രിമാരായ കണ്ഠര് രാജീ​വര്, കണ്ഠര് മോഹനര്, എം.എൽ.എമാരായ ചിറ്റയം ഗോപകുമാർ, വീണാ ജോർജ്ജ്, റിട്ട.ചീഫ് ജസ്റ്റിസ് സി.എസ്.രാജ, എൻ.എസ്.എസ്.ഡയറക്ടർബോർഡംഗം പന്തളം ശിവൻകുട്ടി, ബി.ജെ.പി. ജില്ലാ പ്രസിഡന്റ് അശോകൻ കുളനട, മുൻ എം.എൽ.എ., പി.കെ.കുമാരൻ തുടങ്ങിയവർ തമ്പുരാട്ടിയെ കണ്ട് അനുഗ്രഹം വാങ്ങി.