കൊ​ല്ലം​:​ മാൻ മിസിംഗ് കേസായി തെളിയാത്ത കുറ്റകൃത്യങ്ങളുടെ കൂട്ടത്തിൽ അകപ്പെട്ടേക്കാമായിരുന്ന യുവാവിന്റെ തിരോധാനം പൈശാചിക കൊലപാതകമാണെന്ന് തെളിയിച്ച് ചുരുങ്ങിയ നാളിനുള്ളിൽ വിചാരണ പൂർത്തിയാക്കിയതിലൂടെ കേരളത്തിലെ സേനയ്ക്കാകെ മാതൃകയാവുകയാണ് കൊല്ലം സിറ്റി പൊലീസ്.

എസ്.ഐ റാങ്കിലെ ഒരുദ്യോഗസ്ഥന്റെ ബുദ്ധി വൈഭവവും അർപ്പണ മനോഭാവവും ഒത്തുചേർന്നപ്പോൾ ചിലർ മുൻകൂട്ടി തയാറാക്കിയ തിരക്കഥ പ്രകാരമുള്ള സംഘടിത നുണകൾ ഒന്നൊന്നായി പൊളിഞ്ഞു. തമിഴ്‌നാട്ടിലെ ക്വാറി വേസ്‌റ്റുകൾക്കിടയിൽ കുഴിച്ചുമൂടിയ സത്യം പുറത്തുവന്ന് ഒമ്പത് മാസത്തിനുള്ളിൽ വിചാരണ പൂർത്തിയാക്കി. വിധി പറയാൻ ദിവസങ്ങൾ മാത്രം ബാക്കി നിൽക്കുകയാണ് പേരൂർ രഞ്ജിത്ത് ജോൺസൺ വധക്കേസ്. കിളികൊല്ലൂർ ക്രൈം എസ്.ഐ വി.അനിൽകുമാറിന്റെ നീക്കങ്ങൾക്ക് കൊല്ലം സിറ്റി പൊലീസ് ഒരുക്കിയ പിൻബലം മാതൃകാപരമാണ്. വി​ചാ​ര​ണ​ ​ന​ട​പ​ടി​ക​ൾ​ ​കൊ​ല്ലം​ ​അ​ഡി​ഷ​ണ​ൽ​ ​സെ​ഷ​ൻ​സ് ​(നാല്) കോ​ട​തി​യിൽ പൂ​ർ​ത്തി​യാ​യി.​ ​സാ​ക്ഷി​ ​വി​സ്‌താരം ആരംഭിച്ച് ​ ​മൂ​ന്നു​മാ​സം​ ​തി​ക​യു​ന്ന​ മേയ് 13​ന് ​വി​ധി​ ​പ​റ​യും.​ ​

സാധാരണപോലുള്ള ഒരു മാൻ മിസിംഗ് കേസിൽ കാണാതായ രഞ്ജിത്ത് ജോൺസന്റെ ചില സുഹൃത്തുക്കളെ വിളിച്ച് സൗഹാർദ്ദപരമായ അന്തരീക്ഷത്തിലാണ് എസ്.ഐ അനിൽ കുമാർ വിവരങ്ങൾ ആരാഞ്ഞത്. കൊലപാത കേസുകളിൽ മൃതദേഹം കണ്ടെത്താനായില്ലെങ്കിൽ ഒരിക്കലും കേസിൽ പ്രതിയാകില്ലെന്ന ക്രിമിനൽ ബുദ്ധി മനസിൽ ഉറപ്പിച്ചായിരുന്നു സുഹൃത്തുക്കളുടെ പ്രതികരണം. അടുത്തിടെ മലയാളത്തിൽ ഹിറ്റായ ഒരു സിനിമ ഈ വിഷയത്തിൽ പ്രതികൾക്ക് പ്രചോദനമായി. നേരിയ സംശയ നിഴലിൽ കഴിയുന്നവരുടെ രോമത്തിൽ പോലും സ്‌പർശിക്കാതെയായിരുന്നു എസ്.ഐ അനിൽ കുമാറിന്റെ നീക്കങ്ങൾ. മൃതദേഹത്തിന്റെ മുടിപോലും പുറംലോകം കാണില്ലെന്ന് തീർച്ചപ്പെടുത്തിയ കേസിൽ തമിഴ്‌നാട്ടിലെ ക്വാറി അവശിഷ്‌ടങ്ങൾക്കിടയിൽ നിന്ന് രഞ്ജിത്ത് ജോൺസന്റെ മൃതദേഹം പുറത്തെടുത്തു.

എ.സി.പി എ.പ്രതീപ് കുമാറിന്റെ വാക്കുകൾ..

സംഭവം നടക്കുമ്പോൾ കൊല്ലം സിറ്റി എ.സി.പിയായിരുന്നു പ്രതീപ് കുമാർ. ഇപ്പോൾ തിരുവനന്തപുരം കന്റോൺമെന്റ് എ.സി.പി. കൊല്ലം സിറ്റി പൊലീസ് ഒന്നാകെ അന്ന് എസ്.ഐ അനിൽ കുമാറിന്റെ യുക്തിഭദ്രമായ നീക്കങ്ങൾക്ക് പിൻബലമേകി. ശരിയായ ദിശയിൽ നീങ്ങിയ അന്വേഷണത്തിൽ ഇടപെടാനോ നിരുത്സാഹപ്പെടുത്താനോ ഒരു ഘട്ടത്തിലും ശ്രമിക്കാതെ പ്രേത്സാഹനവും പശ്ചാത്തല സൗകര്യങ്ങളും ഒരുക്കിനൽകി. എസ്.ഐ റാങ്കിലുള്ള ഒരു ഉദ്യോഗസ്ഥനെ എങ്ങനെ ഉന്നത ഉദ്യാഗസ്ഥർക്ക് ശാക്തീകരിക്കാൻ കഴിയുമെന്ന പരീക്ഷണം കൂടിയായിരുന്നു രഞ്ജിത്ത് ജോൺസൺ കേസിൽ നടന്നത്. ഗുണ്ടകളെ എങ്ങനെ നിയമം ഉപയോഗിച്ച് അമർച്ച ചെയ്യാമെന്നും തെളിയിക്കപ്പെട്ടു. പ്രോസിക്യൂഷൻ സാക്ഷികളെ ഭീഷണിപ്പെടുത്താൻ ശ്രമിച്ചതിന് പ്രതികളുടെ സുഹൃത്തുക്കളും ബന്ധുക്കളും ഉൾപ്പെടെയുള്ളവർക്കെതിരെ മൂന്ന് കേസുകൾ രജിസ്‌റ്റർ ചെയ്‌തു. ഇതോടെ സാക്ഷികൾ നിർഭയരായി. അന്വേഷണ ഉദ്യോഗസ്ഥനായ വി.അനിൽകുമാറിനെ കേസിന്റെ വിധിവരും വരെ സ്ഥലംമാറ്റാതെ പ്രോസിക്യൂഷന് ഒപ്പം നിൽക്കാൻ അവസരമൊരുക്കി. തിരഞ്ഞെടുപ്പ് കാലത്ത് ജില്ലയ്‌ക്ക് പുറത്ത് പോകേണ്ടിയിരുന്ന വി.അനിൽകുമാറിനെ ഇലക്ഷൻ കമ്മിഷന്റെ പ്രത്യേക അനുമതിയോടെ കൊല്ലം ജില്ലയിൽതന്നെ നിലനിറുത്തി. ആദ്യ അറസ്‌റ്ര് നടന്ന് 82 ദിവസം തികഞ്ഞപ്പോൾതന്നെ കുറ്റപത്രം സമർപ്പിക്കുകവഴി കേസിലെ എട്ട് പ്രതികൾക്കും ജാമ്യം ലഭിക്കുന്നത് തടയാനും പൊലീസിനായി.

കേസ്,​ പ്രതികൾ

കൊ​​​റ്റ​ങ്ക​ര​ ​പേ​രൂ​ർ​ ​ത​ട്ടാ​ർ​കോ​ണം​ ​അ​യ്യ​ർ​മു​ക്ക് ​പ്രോ​മി​സ്ഡ് ​ലാ​ന്റി​ൽ​ ​ര​ഞ്ജി​ത്ത് ​ജോ​ൺ​സ​ണെ​ ​(​ര​ഞ്ജു​-40​)​ ​ത​ട്ടി​ക്കൊ​ണ്ടു​ ​പോ​യി​ ​കൊ​ല​പ്പെ​ടു​ത്തി​ ​നാ​ഗ​ർ​കോ​വി​ലി​ൽ​ ​കു​ഴി​ച്ചു​മൂ​ടി​യെ​ന്നാ​ണ് ​കേ​സ്.​ ​പ്രതികളിൽ ഒരാളുടെ ഭാ​ര്യ​യെ​ ​സു​ഹൃ​ത്താ​യി​രു​ന്ന​ ​ര​ഞ്ജി​ത്ത് ത​ട്ടി​ക്കൊ​ണ്ടു​ ​പോ​യി​ ​ഒ​പ്പം​ ​പാ​ർ​പ്പി​ച്ചു എന്നാരോപിച്ചായിരുന്നു കൊ​ല. ഇ​ര​വി​പു​രം​ ​സ്വ​ദേ​ശി​ ​മ​നോ​ജ് ​(​പാ​മ്പ് ​മ​നോ​ജ് ​-40​),​ ​നെ​ടു​ങ്ങോ​ലം​ ​സ്വ​ദേ​ശി​ ​ര​ഞ്ജി​ത്ത് ​(​കാ​ട്ടു​ണ്ണി​-40​),​ ​പൂ​ത​ക്കു​ളം​ ​പാ​ണാ​ട്ടു​ചി​റ​യി​ൽ​ ​ഉ​ണ്ണി​ ​(​കൈ​ത​പ്പു​ഴ​ ​ഉ​ണ്ണി​-39​),​ ​വെ​​​റ്റി​ല​ത്താ​ഴ​ത്ത് ​വാ​ട​ക​യ്ക്കു​ ​താ​മ​സി​ക്കു​ന്ന​ ​ഡീ​സ​ന്റ്മു​ക്ക് ​കോ​ണ​ത്തു​കാ​വി​നു​ ​സ​മീ​പം​ ​പ്ര​ണ​വ് ​(​കു​ക്കു​-25​),​ ​ഡീ​സ​ന്റ്മു​ക്ക് ​സ്വ​ദേ​ശി​ ​വി​ഷ്ണു​ ​(21​),​ ​കി​ളി​കൊ​ല്ലൂ​ർ​ ​പ​വി​ത്രം​ ​ന​ഗ​റി​ൽ​ ​വി​നേ​ഷ് ​(38​),​ ​വെ​​​റ്റി​ല​ത്താ​ഴ​ത്ത് ​വാ​ട​ക​യ്ക്കു​ ​താ​മ​സി​ക്കു​ന്ന​ ​വ​ട​ക്കേ​വി​ള​ ​സ്വ​ദേ​ശി​ ​റി​യാ​സ് ​(30​),​ ​കി​ളി​കൊ​ല്ലൂ​ർ​ ​ന​ക്ഷ​ത്ര​ ​ന​ഗ​ർ​ ​പ​റ​ങ്കി​മാം​വി​ള​യി​ൽ​ ​അ​ജിം​ഷ​ ​(​ബാ​ബു​ജി​ 37​)​ ​എ​ന്നി​വ​രാ​ണു​ ​പ്ര​തി​ക​ൾ. അ​ജിം​ഷാ​യ്ക്ക് ​കോ​ട​തി​ ​നേ​ര​ത്തെ​ ​ജാ​മ്യം​ ​അ​നു​വ​ദി​ച്ചി​രു​ന്നു.​ ​വി​ചാ​ര​ണ​ ​ന​ട​പ​ടി​ക​ൾ​ ​പൂ​ർ​ത്തി​യാ​യ​തോ​ടെ​ ​മ​​​റ്റു​ ​പ്ര​തി​ക​ളെ​ ​തി​രു​വ​ന​ന്ത​പു​രം​ ​സെ​ൻ​ട്ര​ൽ​ ​ജ​യി​ലേ​ക്ക് ​മാ​​​റ്റി.