കൊല്ലം: യൂനുസ് ഗ്രൂപ്പ് ഒഫ് ഇൻസ്റ്റിറ്റ്യൂഷന്റെ കീഴിൽ പ്രവർത്തിക്കുന്ന മൂന്ന് എൻജിനിയറിംഗ് കോളേജുകളിലെ 2014-18 ബാച്ചിന്റെ കോൺവൊക്കേഷൻ നടന്നു. ആശ്രാമം യൂനുസ് കൺവെൻഷൻ സെന്ററിൽ നടന്ന ചടങ്ങിൽ ചെയർമാൻ ഡോ. എ. യൂനുസ് കുഞ്ഞ് എക്സ്.എം.എൽ.എ അദ്ധ്യക്ഷത വഹിച്ചു. ഓൾ ഇന്ത്യാ ടെക്നിക്കൽ എഡ്യൂക്കേഷൻ ഡയറക്ടർ ഡോ. രമേഷ് ഉണ്ണിക്കൃഷ്ണൻ മുഖ്യാതിഥിയായിരുന്നു. മേയർ വി. രാജേന്ദ്രബാബു,​ പ്രസ് ക്ളബ് പ്രസിഡന്റ് ജയചന്ദ്രൻ ഇലങ്കത്ത് എന്നിവർ വിവിധ മേഖലകളിൽ പ്രവർത്തന മികവ് തെളിയിച്ച വിദ്യാർത്ഥികൾക്കും അദ്ധ്യാപകർക്കും പുരസ്കാരം നൽകി ആദരിച്ചു. പ്രിൻസിപ്പൽ ഡോ. പി. ശ്രീരാജ്,​ കോളേജ് വൈസ് ചെയർമാൻ നൗഷാദ് യൂനുസ്,​ അഡ്വ. അൻസർ യൂനുസ് എന്നിവർ സംസാരിച്ചു.