ശാ​സ്​താം​കോ​ട്ട: ശാ​സ്​താം​കോ​ട്ട​ സ​ബ് ​ട്ര​ഷ​റി​യു​ടെ പു​തി​യ മന്ദിരത്തിന്റെ നിർമ്മാണം ഉടൻ ആരംഭിക്കും. ഇതിന്റെ ഭാഗമായി പ​ഴ​യ സ​ബ്​ട്ര​ഷ​റി കെ​ട്ടി​ടം പൊ​ളി​ച്ചു​നീ​ക്കി. കെട്ടിട നിർമ്മാണത്തിനായി 2.19 കോ​ടി രൂ​പ​യ്​ക്ക് ക​രാർ നൽ​കി​യി​ട്ട് നാളേറെയായിരുന്നു. പഴയ കെട്ടിടത്തിന്റെ പൊളിച്ചുനീക്കൽ വൈകിയതാണ് നിർമ്മാണം നീണ്ടുപോകാൻ കാരണം .ഇതിനെതിരെ പെൻഷൻകാരുടെ പ്രതിഷേധവും ശക്തമായിരുന്നു.

പ​ഴ​യ​കെ​ട്ടി​ടം നീ​ക്കം ചെ​യ്യു​ന്ന​തി​ന് 79715 രൂ​പയാണ് സർ​ക്കാർ അനുവദിച്ചത്. തിരഞ്ഞെടുപ്പിന് മുമ്പ് തന്നെ കെട്ടിടം പൊളിച്ചുനീക്കി വസ്തു നിരപ്പാക്കി.

ഇൻ​കൽ എ​ന്ന ക​മ്പ​നി​യാ​ണ് നിർ​മ്മാ​ണ ക​രാർ ഏ​റ്റെ​ടു​ത്തിരിക്കുന്നത്. പത്ത് മാസത്തിനകം നിർമ്മാണം പൂർത്തിയാക്കുമെന്നാണ് അധികൃതർ അറിയിച്ചിരിക്കുന്നത്. 2008ലും കെട്ടിട നിർമ്മാണത്തിനായി ഇൻകലിന് കരാർ നൽകിയിരുന്നു. 70 ലക്ഷം രൂപയ്ക്കാണ് അന്ന് കരാർ നൽകിയത്. പഴയ കെട്ടിടം പൊളിക്കുന്നതിലുള്ള കാലതാമസമാണ് അന്നും വില്ലനായത്. തുടർന്ന് സമർപ്പിച്ച പുതിയ എസ്റ്റിമേറ്റ് പ്രകാരമാണ് നിലവിലെ കരാർ.

ജ​ലം, വൈ​ദ്യു​തി ഉൾ​പ്പ​ടെ​യു​ള്ള സം​വി​ധാ​ന​ങ്ങൾ​ക്ക് സർ​ക്കാ​രിൽ നി​ന്ന് അ​നു​മ​തി നേ​ടി​യ​ട്ടു​ണ്ട്. കെട്ടിടത്തിന്റ തറക്ക​ല്ലി​ടീൽ ഈ മാ​സം ന​ട​ക്കും

കോ​വൂർ കു​ഞ്ഞു​മോൻ, എം.​എൽ.​എ