ശാ​സ്​താം​കോ​ട്ട: തു​ടർ​ച്ച​യാ​യി അ​ഞ്ചാം ത​വ​ണ​യും നൂ​റു ശ​ത​മാ​നം വി​ജ​യം കൈ​വ​രി​ച്ച് വെ​സ്റ്റ് ക​ല്ല​ട ഗ​വ. ഹ​യർ സെ​ക്കൻ​ഡ​റി സ്​കൂൾ. കർ​ഷ​ക​രും കർ​ഷ​ക തൊ​ഴി​ലാ​ളി​ക​ളും ക​ശു​അ​ണ്ടി തൊ​ഴി​ലാ​ളി​ക​ളും തി​ങ്ങി​പ്പാർ​ക്കു​ന്ന പ​ടി​ഞ്ഞാ​റേ ക​ല്ല​ട ഗ്രാ​മ പ​ഞ്ചാ​യ​ത്തി​ലാ​ണ് സ്​കൂൾ സ്ഥി​തി ചെ​യ്യു​ന്ന​ത്. 96 വി​ദ്യാർ​ത്ഥി​കൾ പ​രീ​ക്ഷ​യെ​ഴു​തി​യ​തിൽ 21 വി​ദ്യാർ​ത്ഥി​കൾ​ക്ക് മു​ഴു​വൻ വി​ഷ​യ​ങ്ങൾ​ക്ക് എ പ്ല​സും, ഒ​മ്പ​ത് വി​ദ്യാർ​ത്ഥി​കൾ​ക്ക് ഒ​മ്പ​ത് വി​ഷ​യ​ത്തി​ന് എ​പ്ല​സും നേ​ടാൻ ക​ഴി​ഞ്ഞ​ത് വി​ജ​യ​ത്തി​​ള​ക്കം വർദ്ധിപ്പിക്കുന്നു. ക​ല്ല​ട​യാ​റി​ന്റെ തീ​ര​ത്ത് 1895 ൽ എൽ.പി സ്​കൂ​ളാ​യി ആരംഭിച്ച് പി​ന്നീ​ട് പ​ടി​ഞ്ഞാ​റേ ക​ല്ലട​ ഗ്രാ​മ പ​ഞ്ചാ​യ​ത്തി​ലെ ഏ​ക ഗ​വ. ഹ​യർ സെ​ക്കൻ​ഡ​റി സ്​കൂ​ളാ​യി മാറി. പൊ​തു വി​ദ്യാ​ഭ്യാ​സ മേ​ഖ​ല​യെ ശ​ക്തി​പ്പെ​ടു​ത്തു​ന്ന​തി​ന്റെ ഭാ​ഗ​മാ​യി സർ​ക്കാർ സ്​കൂ​ളു​കൾ ഹൈ​ടെ​ക് ആ​കുമ്പോഴും നൂ​റ്റാ​ണ്ടു​കൾ പ​ഴ​ക്ക​മു​ള്ള ഓ​ടി​ട്ട കെ​ട്ടി​ട​ത്തി​ലാ​ണ് ഹൈ​സ്​കൂൾ വി​ഭാ​ഗം പ്ര​വർ​ത്തി​ക്കു​ന്ന​ത്. മതിയായ ഗ​താ​ഗ​ത സൗ​ക​ര്യ​ങ്ങ​ളി​ല്ലാ​ത്ത​തി​നാൽ കി​ലോ​മീ​റ്റ​റു​ക​ളോ​ളം സൈ​ക്കിൾ ച​വി​ട്ടി​യും ന​ട​ന്നു​മാ​ണ് വി​ദ്യാർ​ത്ഥി​കളിൽ പലരും സ്​കൂ​ളി​ലെ​ത്തു​ന്ന​ത്. ര​ണ്ടു സ്വ​കാ​ര്യ ബ​സു​കൾ മാ​ത്ര​മാ​ണ് പ്ര​ദേ​ശ​ത്തു​കൂ​ടി സർ​വീസ് ന​ട​ത്തു​ന്ന​ത്. കൊ​ടു​വി​ള, മൺ​റോ​ത്തു​രു​ത്ത് മേ​ഖ​ല​ക​ളിൽ നി​ന്നു​മു​ള്ള വി​ദ്യാർ​ത്ഥി​കൾ ക​ട​ത്തു​വ​ള്ള​ങ്ങ​ളെ​യാ​ണ് സ്​കൂ​ളി​ലെ​ത്താൻ ആ​ശ്ര​യി​ക്കു​ന്ന​ത്. ഹ​യർ സെ​ക്കൻ​ഡ​റി വി​ഭാ​ഗ​ത്തി​ലുൾ​പ്പെടെ നൂ​റു​ക​ണ​ക്കി​ന് വി​ദ്യാർ​ത്ഥി​കൾ​ക്ക് ആ​ശ്ര​യം ആ​കെ​യു​ള്ള ഒ​രു സ്​കൂൾ ബ​സ് മാ​ത്ര​മാ​ണ്. സ്​കൗ​ട്ട്, ഗൈ​ഡ്‌​സ്, സ്റ്റു​ഡന്റ്​സ് പൊലീ​സ് കേ​ഡ​റ്റ് തു​ട​ങ്ങി​യ​വ​യു​ടെ പ്ര​വർ​ത്ത​ന​ങ്ങൾ കു​ട്ടി​ക​ളെ പഠ​ന​ത്തോ​ടൊ​പ്പം സാ​മൂ​ഹി​ക പ്ര​തി​ബ​ദ്ധ​ത​യു​ള്ള​വ​രാ​ക്കു​ന്ന​തിൽ മു​ഖ്യപങ്ക് വ​ഹി​ക്കു​ന്നു. സ്വ​കാ​ര്യ സ്​കൂ​ളു​ക​ളു​ടെ ക​ട​ന്നു​ക​യ​റ്റ​വും പ​രി​മി​ത​മാ​യ ഭൗ​തി​ക സാ​ഹ​ച​ര്യ​ങ്ങളും ഭീ​ഷ​ണി​യാ​യി നി​ല​നിൽ​ക്കു​മ്പോ​ഴും അ​ദ്ധ്യാ​പ​ക​രു​ടെ​യും വി​ദ്യാർ​ത്ഥി​ക​ളു​ടെ​യും ര​ക്ഷാകർ​ത്താ​ക്ക​ളു​ടെ​യും കൂ​ട്ടാ​യ പ​രി​ശ്ര​മ​ത്തി​ന്റെ ഫ​ല​മാ​ണ് തു​ടർ​ച്ചയായി അ​ഞ്ചാം വർ​ഷ​വും നൂ​റു ശ​ത​മാ​നം വി​ജ​യം നേ​ടാൻ സ്കൂളിന് ക​ഴി​ഞ്ഞ​ത്.