കു​ണ്ട​റ: ചു​ട്ടു​പൊ​ള്ളു​ന്ന വേ​നൽച്ചൂ​ടിൽ ദൃ​ശ്യ​ചാ​രു​ത​യേ​കി കു​ണ്ട​റ​യിൽ ഗുൽ​മോ​ഹർ മ​ര​ങ്ങൾ പൂ​ത്തു​ല​ഞ്ഞു. മലയാളികൾക്കിടയിൽ വാ​ക എ​ന്ന​ പേ​രിൽ അ​റി​യ​പ്പെ​ടു​ന്ന ഈ ത​ണൽ വൃ​ക്ഷം ഇ​പ്പോൾ ഗ്രാമങ്ങളിലും നഗരപ്രദേശങ്ങളിലും പ​ക​രു​ന്ന​ത് കാ​ഴ്​ച​യു​ടെ ന​വ്യാ​നു​ഭ​വം.

ഒ​രു നൂ​റ്റാ​ണ്ട് മുമ്പാണ് പ്ര​ണ​യ​ത്തി​ന്റെ ചു​വ​പ്പൻ വ​സ​ന്ത​മാ​യി മ​ഡ​ഗാ​സ്​ക​റിൽ നി​ന്ന് ഗുൽമോഹർ വൃക്ഷങ്ങൾ കേ​ര​ള​ത്തിലേക്ക് എ​ത്തു​ന്ന​ത്. 'ഡെ​ലോ​നി​ക്‌​സ് റീ​ജി​യ​' എ​ന്നാ​ണ് ശാ​സ്​ത്രീ​യ​നാ​മം. വേ​ന​ലി​ന്റെ ആ​രം​ഭ​ത്തിൽ പൂർ​ണ​മാ​യും ഇ​ല കൊ​ഴി​ക്കു​ന്ന ഈ പൂ​മ​രം ആ​ദ്യ പു​തു​മ​ഴ​യിൽ ത​ന്നെ ത​ളിർ​ക്കു​ക​യും പു​ഷ്​പി​ക്കു​ക​യും ചെ​യ്യും. പിന്നീട് ഇ​ല​കൾ കാ​ണാ​ത്ത​വി​ധം പൂ​ക്കൾ കൊണ്ട് നി​റ​യും. കാ​ല​വർ​ഷം എ​ത്തു​ന്ന​തു​വ​രെ​യാ​ണ് ഗുൽമോഹർ പൂ​ക്ക​ളു​ടെ കാ​ലം. മ​ഴ ​പെ​യ്​ത് തു​ട​ങ്ങു​ന്ന​തോ​ടെ പൂ​ക്കൾ കൊ​ഴി​ഞ്ഞ് വീ​ണ്ടും പ​ച്ച​പ്പി​ലേ​ക്ക് മ​ട​ങ്ങും.

മേയ് മാ​സ​ത്തി​ലാ​ണ് ഗുൽമോഹർ അധികമായി പു​ക്കു​ന്ന​ത്. അതുകൊണ്ട് തന്നെ മേയ് മാസ പൂവെന്നും മലയാളികൾക്കിടയിൽ ഗുൽ​മോ​ഹ​ർ അറിയപ്പെടുന്നു. ഇ​ത്ത​വ​ണ ഏ​പ്രിൽ ആ​ദ്യ​വാ​രം ത​ന്നെ ഗുൽ​മോ​ഹർ അ​തി​ന്റെ മ​നോ​ഹാ​രി​ത കാ​ഴ്​ച​ക്കാർ​ക്ക് സ​മ്മാ​നി​ച്ചു തു​ട​ങ്ങി​യി​രു​ന്നു.

കടുത്ത വേ​ന​ലിൽ പൂ​മ​ര​ങ്ങ​ളും പുൽ​നാ​മ്പു​ക​ളും കരിഞ്ഞ് വാ​ടു​മ്പോ​ഴും വ​ഴി​യോ​ര​ങ്ങ​ളിൽ ന​യ​ന​മ​നോ​ഹ​ര കാ​ഴ്​ച​യാ​കു​കയാണ് ഗുൽമോഹർ പൂക്കൾ.