കു​ണ്ട​റ: കേ​ര​ള സർ​ക്കാർ സ്ഥാ​പ​ന​മാ​യ കേ​ര​ള ഇ​ല​ക്ട്രി​ക്കൽ ആൻഡ് അ​ലൈ​ഡ് എ​ൻജി​നി​യ​റിം​ഗ് ക​മ്പ​നി (കെൽ) യിൽ തീ​വ​ണ്ടി ബോ​ഗി​കൾ​ വൈ​ദ്യു​തീകരിക്കുന്ന പ​വർ കാ​റു​ക​ളും വൈ​ദ്യു​ത വാ​ഹ​ന​ങ്ങൾ​ക്കാ​വ​ശ്യ​മാ​യ ആ​ധു​നി​ക ബാ​റ്റ​റി​ക​ളും നിർ​മ്മി​ക്കാൻ തീരുമാനമായി. കെൽ​ട്രോ​ണി​ന്റെ സാ​ങ്കേ​തി​ക സ​ഹാ​യ​ത്തോ​ടെയാണ് പ​വർ​കാ​റു​ക​ളും ഓ​ട്ടോ​മോ​ട്ടീ​വ് ബാ​റ്റ​റി​ക​ളും നിർ​മ്മി​ക്കു​ക.

റോ​ഡ് ഗ​താ​ഗ​ത​ത്തി​ന്റെ ഭാ​വി വൈ​ദ്യു​ത വാ​ഹ​ന​ങ്ങ​ളി​ലാ​ണെ​ന്ന് ബോ​ധ്യ​മാ​യ​തോ​ടെ​യാ​ണ് കെൽ ​ഫാ​ക്ട​റി ഓട്ടോമോട്ടീവ് ബാ​റ്റ​റി​ക​ളു​ടെ നിർ​മ്മാ​ണ​ രം​ഗ​ത്തേ​ക്ക് ക​ട​ക്കു​ന്ന​ത്. ഇതി​നു​ള്ള പ്രാ​രം​ഭ ചർ​ച്ച​കൾ മ​ന്ത്രി ജെ. മേ​ഴ്‌​സി​ക്കു​ട്ടി​അ​മ്മ​യു​ടെ നേ​തൃ​ത്വ​ത്തിൽ കുണ്ടറ കെല്ലിൽ ന​ട​ന്നു. ചർ​ച്ച​യിൽ കെൽ​ട്രോൺ ചെ​യർ​മാൻ നാ​രാ​യ​ണ​മൂർ​ത്തി, കെൽ ചെ​യർ​മാൻ വർ​ക്ക​ല ര​വി​കു​മാർ, എം.ഡി. ഷാ​ജി വർ​ഗീ​സ്, ജ​ന​റൽ മാ​നേ​ജർ സു​നിൽ​കു​മാർ, ഹ​രി​കു​മാർ തു​ട​ങ്ങി​യ​വർ പ​ങ്കെ​ടു​ത്തു.

1946​ൽ ചീ​ന​ച്ച​ട്ടി​യും പ​മ്പു​ക​ളും നിർ​മ്മി​ച്ച് ​കൊ​ണ്ട് പ്ര​വർ​ത്ത​നമാരംഭിച്ച കെൽ ഫാ​ക്ട​റി കാ​ല​ത്തി​നൊ​ത്ത് മാ​റു​ക​യാ​ണ്. പു​തി​യ പ്ലാന്റു​കൾ പ്ര​വർ​ത്തി​ച്ച് ​തു​ട​ങ്ങു​ന്ന​തോ​ടെ കൂടുതൽ തൊ​ഴി​ല​വ​സ​ര​ങ്ങ​ളും കെ​ല്ലി​ന് നൽ​കാ​നാ​വു​മെ​ന്നാ​ണ് പ്ര​തീ​ക്ഷ.

 ബ്രഷ്ലെസ് ഓർട്ടർനേറ്ററുകളിൽ നിന്ന് പവർ കാറിലേക്ക്

തീ​വ​ണ്ടി​യു​ടെ ബോ​ഗി​ക​ളിൽ ഫാ​നു​ക​ളും ലൈ​റ്റു​ക​ളും പ്ര​വർ​ത്തി​പ്പി​ക്കു​ന്ന​തി​നായി ബ്ര​ഷ്‌​ലെസ് ഓൾ​ട്ടർ​നേ​റ്റ​റു​ക​ളാ​ണ് കെ​ല്ലിൽ നിർ​മ്മി​ച്ചി​രു​ന്ന​ത്. ഇ​ന്ത്യൻ റെ​യിൽ​വേ​യ്​ക്ക് ആ​വ​ശ്യ​മാ​യ ഓൾ​ട്ടർ​നേ​റ്റ​റു​കൾ മു​ഴു​വൻ നിർ​മ്മി​ച്ച് നൽ​കി​യി​രു​ന്ന​ത് കെൽ ഫാ​ക്ട​റി​യാ​യി​രു​ന്നു.

ഓ​രോ ബോ​ഗി​യും വൈദ്യുതീകരിച്ചിരുന്ന ബ്ര​ഷ്‌​ലെസ് ഓൾ​ട്ടർ​നേ​റ്റ​റു​കൾ ഇ​നി പ​ഴ​ങ്ക​ഥ​യാകും. പു​തി​യ ബോ​ഗി​ക​ളിൽ ഓൾ​ട്ടർ​നേ​റ്റ​റു​കൾ​ക്ക് ​പ​ക​രം പ​വർ​കാർ വൈ​ദ്യു​തി ഉത്പാ​ദി​പ്പി​ച്ച് ​നൽ​കും. ഒ​രു​ തീ​വ​ണ്ടി​ക്ക് സ്‌​പെ​യർ അ​ട​ക്കം ര​ണ്ട് പ​വർ​കാ​റു​ക​ളാ​ണ് വേ​ണ്ട​ത്. ഒ​രു പ​വർ​ കാ​റി​ന് 1.1 കോ​ടി രൂ​പ​യാ​ണ് വി​ല.