മാള: എസ്.എൻ.ഡി.പി യോഗം മാള യൂണിയന്‍ സംഘടിപ്പിക്കുന്ന അവധിക്കാല പഠനക്യാമ്പിന് തുടക്കം. പഠനവും ജീവിത വിജയവും എന്ന വിഷയത്തിൽ സംഘടിപ്പിക്കുന്ന ക്യാമ്പ് നാളെ സമാപിക്കും. കുഴൂർ പാറപ്പുറം ശാഖയിൽ തുടങ്ങിയ ക്യാമ്പ് യോഗം അസിസ്റ്റന്റ് സെക്രട്ടറി കെ.വി. സദാനന്ദൻ ഉദ്ഘാടനം ചെയ്തു. യൂണിയൻ പ്രസിഡന്റ് പി.കെ. സാബു അദ്ധ്യക്ഷനായി. യൂണിയൻ സെക്രട്ടറി സി.ഡി. ശ്രീലാൽ, വൈസ് പ്രസിഡന്റ് രജീഷ് മാരിയ്ക്കൽ, യൂണിയൻ കൗൺസിലർമാരായ പ്രദീപ് തറമേൽ, സുബ്രൻ ആലമിറ്റം, യൂണിയൻ വനിതാസംഘം പ്രസിഡന്റ് ഇന്ദിര സുബ്രഹ്മണ്യൻ, സെക്രട്ടറി സിന്ധു കൃഷ്ണാനന്ദ്, സുജാത സദാനന്ദൻ, ബിജി ഷാജി, ടി.എൻ. ബേബി, എ.ആർ. രാമകൃഷ്ണൻ എന്നിവർ സംസാരിച്ചു.
പഠന മികവും വ്യക്തിത്വ വികസനവും എന്ന വിഷയത്തിൽ മനഃശാസ്ത്രജ്ഞൻ സന്തോഷ് ബാബു ക്ലാസെടുത്തു. ഇന്ന് രാവിലെ യോഗം കൗൺസിലർ ബേബി റാം ക്ലാസ് ഉദ്ഘാടനം ചെയ്യും. പിണ്ഡനന്ദി എന്ന വിഷയത്തിൽ ഡോ. ഗീത സ്വരാജ് ക്ലാസെടുക്കും. ഉച്ചതിരിഞ്ഞ് ജൈവ വൈവിദ്ധ്യ സംരക്ഷണം എന്ന വിഷയത്തിൽ ഡോ. സി.പി. ഷാജി ക്ലാസെടുക്കും. തുടർന്ന് ലഹരി വിമുക്ത യുവത്വം എന്ന വിഷയത്തിൽ മാള പൊലീസ് സർക്കിൾ ഇൻസ്‌പെക്ടർ പി.എം. ബൈജു ക്ലാസെടുക്കും നാളെ രാവിലെ കുട്ടികളും സമൂഹവും എന്ന വിഷയത്തിൽ പൊലീസ് അസിസ്റ്റന്റ് കമ്മിഷണർ രാജേഷ് രാമൻ ക്ലാസെടുക്കും. ഉച്ചതിരിഞ്ഞ് പഠനവും ആരോഗ്യവും എന്ന വിഷയത്തിൽ ഡോ. സി.ജി. പ്രകാശ്, തുടർന്ന് ശ്രീനാരായണ ഭജന പരിപാലനം എന്ന വിഷയത്തിൽ വിനോദ് അനന്തൻ മാസ്റ്ററും ക്ലാസെടുക്കും.