തൃശൂർ: സംഗീത നാടക അക്കാഡമി സംഘടിപ്പിക്കുന്ന സംസ്ഥാന പ്രൊഫഷണൽ നാടക മത്സരത്തിന്റെ അവസാനഘട്ട മത്സരത്തിലേക്ക് 10 നാടകങ്ങൾ തെരഞ്ഞെടുത്തതായി സെക്രട്ടറി എൻ. രാധാകൃഷ്ണൻ നായർ അറിയിച്ചു. മഹാകവി കാളിദാസൻ (കായംകുളം കെ.പി.എ.സി.), വേറിട്ട കാഴ്ചകൾ (അമ്പലപ്പുഴ അക്ഷരജ്വാല), നയാപൈസ (കോഴിക്കോട് നവചേതന), കപടലോകത്തെ ശരികൾ (അമ്പലപ്പുഴ സാരഥി), അക്ഷരങ്ങൾ (കൊല്ലം ആവിഷ്‌കാര), പകിട (തൃശൂർ രജപുത്ര), ഇവൻ നായിക (ഓച്ചിറ നാടകരംഗം), യന്ത്രമനുഷ്യൻ (തൃശൂർ സദ്ഗമയ), നിരപരാധികളുടെ ജീവിതയാത്ര (കോഴിക്കോട് രംഗഭാഷ), ദൈവത്തിന്റെ പുസ്തകം (കായംകുളം സപര്യ) എന്നീ നാടകങ്ങളാണ് 32 നാടക സ്‌ക്രിപ്റ്റുകളിൽ നിന്ന് തെരഞ്ഞെടുത്തത്. അവസാന ഘട്ട മത്സരം ജൂൺ 2 മുതൽ തൃശൂർ കെ.ടി.മുഹമ്മദ് സ്മാരക തിയേറ്ററിൽ നടക്കും.