ചാവക്കാട്: മണത്തല ശ്രീവിശ്വനാഥ ക്ഷേത്രത്തിൽ പ്രതിഷ്ഠാദിനത്തോട് അനുബന്ധിച്ച് ഗുരുപാദപുരി ശ്രീഅയ്യപ്പസ്വാമി സേവാ സംഘത്തിന്റെ ആഭിമുഖ്യത്തിൽ തത്വമസി ഗൾഫ് നടത്തുന്ന പ്രഭാഷണം ശ്രീവിശ്വനാഥ ക്ഷേത്രാങ്കണത്തിലുള്ള ശിവശക്തി ഓഡിറ്റോറിയത്തിൽ നടന്നു. ഭാഗവത ഗ്രാമ ആചാര്യൻ ഉദിത് ചൈതന്യ സ്വാമികളാണ് ആത്മീയ പ്രഭാഷണം നടത്തിയത്.

ക്ഷേത്ര ചൈതന്യത്തെ കുറിച്ചും, കുട്ടികളുടെ വിദ്യാഭ്യാസത്തെ പറ്റിയും, ഭഗവത് ഗീത, രാമായണം, മഹാഭാരതത്തെ കുറിച്ചും അദ്ദേഹം വിവരിച്ചു. തുടർന്ന് അന്നദാനവും ഉണ്ടായിരുന്നു. ശ്രീവിശ്വനാഥ ക്ഷേത്രക്കമ്മിറ്റി പ്രസിഡന്റ് പ്രൊഫ. സി.സി. വിജയൻ തുടങ്ങിയവർ സംസാരിച്ചു. ശ്രീവിശ്വനാഥ ക്ഷേത്ര ഭാരവാഹികൾ, മാതൃ സമിതി അംഗങ്ങൾ, നിരവധി ഭക്ത ജനങ്ങൾ തുടങ്ങിയവർ പരിപാടിയിൽ സംബന്ധിച്ചു.

ശ്രീഅയ്യപ്പസ്വാമി സേവാ സംഘത്തിന്റെ ചെയർമാൻ ഡോ. പി.വി. മധുസൂദനൻ, കൺവീനർ സി.എ. സിദ്ധാർഥൻ, എൻ.എ. ബാലകൃഷ്ണൻ, കെ.കെ. സഹദേവൻ, കെ.കെ. ശങ്കരനാരായണൻ, എൻ.വി. സുധാകരൻ, അത്തികോട്ട് സിദ്ധാർഥൻ എന്നിവർ പ്രഭാഷണ പരിപാടിക്ക് നേതൃത്വം നൽകി.