ആ​റ്റിങ്ങൽ: തിരുവിതാംകൂർ ചരിത്രത്തിന്റെ ഭാഗമായ ആറ്റിങ്ങൽ കൊട്ടാരത്തിൽ ദേവസ്വം ബോർഡിന്റെ നേതൃത്വത്തിൽ ക്ഷേത്രകലാപീഠം പുനരാരംഭിക്കാൻ തീരുമാനം. കഴിഞ്ഞ ദിവസം നടന്ന തിരുവിതാംകൂർ ദേവസ്വം ബോർഡിന്റെ യോഗത്തിലാണ് തീരുമാനം. കൊട്ടാരത്തിന്റെ തകർച്ചയെക്കുറിച്ച് കേരളകൗമുദി വാർത്ത നൽകിയിരുന്നു. ഇതേ തുടർന്നാണ് ദേവസ്വം ബോർഡ് ഇടപെട്ടത്. എന്നാൽ ശക്തമായ മഴയിൽ കൊട്ടാരത്തിലെ മുഖമണ്ഡപത്തിലെ ദ്രവിച്ചിരുന്ന ഭാഗം പൊളിഞ്ഞുവീണതിനാൽ കൊട്ടാരത്തിൽ അറ്റകുറ്റപ്പണി അടിയന്തരമായി നടത്തണമെന്നാണ് നാട്ടുകാരുടെ ആവശ്യം. ബാക്കിയുള്ള ഭാഗം ഏതു നിമിഷവും നിലംപൊത്താവുന്ന അവസ്ഥയിലാണ്. കെട്ടിടങ്ങളും ഊട്ടുപുരയും മുഖമണ്ഡവുമുൾപ്പെടുന്ന ഭാഗങ്ങളും തിരുവിതാംകൂർ ദേവസ്വംബോർഡിന്റെ അധീനതയിലാണ്. ​കൊ​ട്ടാ​ര​വ​ള​പ്പി​ലെ​ ​കെ​ട്ടി​ട​ങ്ങ​ളും​ ​അ​​​റ്റ​കു​​​റ്റ​പ്പ​ണി​ക​ൾ​ ​തീ​ർ​ത്ത് ​ക്ലാ​സു​ക​ൾ​ക്കാ​യി​ ​ന​ൽ​കുമെന്നും ഇ​തി​നാ​യി​ ​തി​രു​വി​താം​കൂ​ർ​ ​ദേ​വ​സ്വം​ ​ബോ​ർ​ഡി​ന്റെ​ ​മ​രാ​മ​ത്ത് ​വി​ഭാ​ഗ​ത്തെ​ ​ചു​മ​ത​ല​പ്പെ​ടു​ത്തി​യ​താ​യും ദേ​വ​സ്വം ബോർഡ് വ്യക്തമാക്കിയിരുന്നു.

ക്ഷേ​ത്ര​ക​ലാ​പീ​ഠം അടുത്ത അദ്ധ്യയനവർഷം
അ​ടു​ത്ത​ ​അ​ദ്ധ്യ​യ​ന​ ​വ​ർ​ഷം​ ​മു​ത​ൽ​ ക്ഷേ​ത്ര​ക​ലാ​പീ​ഠം പുനരാരംഭിക്കാനാണ് തീരുമാനം. പ​ഞ്ച​വാ​ദ്യം,​ ​ത​കി​ൽ,​ ​നാഗ​സ്വ​രം​ ​എ​ന്നീ​ ​ത്രി​വ​ത്സ​ര​ ​ഡി​പ്ലോ​മ​ ​കോ​ഴ്‌​സു​ക​ളാ​യി​രി​ക്കും​ ​ക​ലാ​പീ​ഠ​ത്തി​ൽ​ ​ന​ട​ക്കു​ക.​ ​വൈ​ക്കം​ ​ക്ഷേ​ത്ര​ ​ക​ലാ​പീ​ഠ​ത്തി​ലെ​ ​ത​കി​ൽ,​ ​പ​ഞ്ച​വാ​ദ്യം​,​ നാ​ഗ​സ്വ​രം​ ​എ​ന്നീ​ ​കോ​ഴ്‌​സു​ക​ളു​ടെ​ ​ഓ​രോ​ ​ബാ​ച്ച് ​ആ​​​റ്റി​ങ്ങ​ൽ​ ​കൊ​ട്ടാ​ര​ത്തി​ലേ​ക്ക് ​മാ​​​റ്റി​യാ​യി​രി​ക്കും​ ​ക്ലാ​സു​ക​ൾ​ ​ആ​രം​ഭി​ക്കു​ക.​ പു​തി​യ​ ​അ​പേ​ക്ഷ​ക​ളും​ ​ഇ​ത്ത​വ​ണ​ ​ക്ഷ​ണി​ക്കും.​

ഇനിയും വൈകരുത്

 ഗോവണിയും തട്ടും പൊളിഞ്ഞുവീണു
 മണ്ഡപക്കെട്ടിലെ മേൽക്കൂര ദ്റവിച്ചു
 മണ്ഡപത്തിൽ പലയിടത്തും ചോർച്ച
 അകത്തെ ചുമരുകൾക്കും കേടുപാട്
 പരിസരം കാടുപിടിച്ച നിലയിലായി