ശൂരനാട്: മരം മുറിക്കുന്നതിനിടയിൽ മരം തലയിൽ വീണ് ഗൃഹനാഥൻ മരിച്ചു. പോരുവഴി അമ്പലത്തും ഭാഗം കിണറുവിളയിൽ സുരേഷ് ബാബു (51) ആണ് മരിച്ചത്. സി.പി.ഐ സാംസ്കാരിക നിലയം മുൻ ബ്രാഞ്ച് സെക്രട്ടറിയായിരുന്നു.

കഴിഞ്ഞ ദിവസം രാവിലെ അമ്പലത്തും ഭാഗത്ത് തേക്കുമരം മുറിക്കുന്നതിനിടയിൽ മുറിച്ച മരം തെന്നി വന്ന് തലയിൽ അടിക്കുകയായിരുന്നു. ആശുപത്രിയിലെത്തിക്കാൻ ശ്രമിച്ചെങ്കിലും മരണം സംഭവിച്ചു. സരസ്വതിയാണ് ഭാര്യ. മക്കൾ: വിഷ്ണു, വീണ. മരുമക്കൾ: ശരണ്യ, അനു. സംസ്കാരം: ഇന്ന് വീട്ടു വളപ്പിൽ.