വി​ദ്യാ​ർ​ത്ഥി​ക​ൾ​ക്കും​ ​ര​ക്ഷി​താ​ക്ക​ൾ​ക്കും​ ​അ​ദ്ധ്യാ​പ​ക​ർ​ക്കും​ ​മാ​ത്ര​മ​ല്ല,​ ​സം​സ്ഥാ​ന​ത്തി​ന് ​ഒ​ന്നാ​കെ​ ​ആ​ഹ്ളാദി​ക്കാ​ൻ​ ​വ​ക​ ​ന​ൽ​കു​ന്ന​താ​ണ് ​എ​സ്.​എ​സ്.​എ​ൽ.​സി​ ​പ​രീ​ക്ഷ​യി​ലെ​ ​ഉ​യ​ർ​ന്ന​ ​വി​ജ​യ​ശ​ത​മാ​നം.​ ​സം​സ്ഥാ​ന​ ​ബോ​ർ​ഡി​ന്റെ​ ​മാ​ത്ര​മ​ല്ല​ ​സി.​ബി.​എ​സ്.​ഇ​ ,​ ​ഐ.​സി.​എ​സ്.​സി​ ​തു​ട​ങ്ങി​യ​ ​കേ​ന്ദ്ര​ ​ബോ​ർ​ഡ് ​പ​രീ​ക്ഷ​ക​ളി​ലും​ ​സം​സ്ഥാ​ന​ത്തി​ന് ​തി​ള​ക്ക​മാ​ർ​ന്ന​ ​വി​ജ​യം​ ​നി​ല​നി​റു​ത്താ​നാ​യി.​ ​കേ​ന്ദ്ര​ ​ബോ​ർ​ഡു​ക​ളു​ടെ​ ​പ​ത്താം​ത​രം​ ​പ​രീ​ക്ഷാ​ഫ​ലം​ ​പ​തി​വി​ൽ​നി​ന്നു​ ​വ്യ​ത്യ​സ്ത​മാ​യി​ ​ഇ​ക്കു​റി​ ​മേ​യ് ​ആ​ദ്യം​ ​ത​ന്നെ​ ​പു​റ​ത്തു​വ​ന്ന​തി​ലും​ ​കു​ട്ടി​ക​ൾ​ക്ക് ​ആ​ശ്വാ​സം​ ​കൊ​ള്ളാം.​ ​സി.​ബി.​എ​സ്.​ഇ​ ​ഫ​ലം​ ​മേ​യ് ​അ​വ​സാ​ന​ത്തേ​ക്ക് ​നീ​ട്ടി​ക്കൊ​ണ്ടു​പോ​യാ​ലു​ണ്ടാ​കു​ന്ന​ ​വൈ​ഷ​മ്യ​ങ്ങ​ൾ​ ​ഏ​റെ​ ​അ​നു​ഭ​വി​ക്കു​ന്ന​വ​രാ​ണ് ​ഇ​വി​ട​ത്തെ​ ​കു​ട്ടി​ക​ൾ.​ ​സ്റ്റേ​റ്റി​ലെ​ ​പ്ള​സ് ​ടു​ ​പ്ര​വേ​ശ​ന​ ​ന​ട​പ​ടി​ക​ൾ​ ​ആ​രം​ഭി​ക്കു​മ്പോ​ഴാ​യി​രി​ക്കും​ ​കേ​ന്ദ്ര​ ​ബോ​ർ​ഡു​ക​ളു​ടെ​ ​ഫ​ലം​ ​വ​രു​ന്ന​ത്.​ ​ക​ഴി​ഞ്ഞ​വ​ർ​ഷം​ ​കു​ട്ടി​ക​ൾ​ ​കോ​ട​തി​ ​ക​യ​റി​യി​റ​ങ്ങി​യാ​ണ് ​അ​പേ​ക്ഷാ​തീ​യ​തി​ ​ദീ​ർ​ഘി​പ്പി​ച്ചെ​ടു​ത്ത​ത്.​ ​ഇ​ത്ത​വ​ണ​ ​ഏ​താ​യാ​ലും​ ​സ്റ്റേ​റ്റ് ​ബോ​ർ​ഡി​നൊ​പ്പം​ത​ന്നെ​ ​സി.​ബി.​എ​സ്.​ഇ​ ​ഫ​ല​വും​ ​വ​ന്ന​ത് ​ഹ​യ​ർ​ ​സെ​ക്ക​ൻ​ഡ​റി​ ​പ്ര​വേ​ശ​ന​ ​ന​ട​പ​ടി​ക​ൾ​ ​സു​ഗ​മ​മാ​ക്കാ​ൻ​ ​സ​ഹാ​യി​ക്കും.

ആ​രും​ ​തോ​ൽ​ക്കാ​ത്ത​ ​പ​രീ​ക്ഷാ​ ​സ​ങ്ക​ല്പ​ത്തി​ലേ​ക്ക് ​കൂ​ടു​ത​ൽ​ ​അ​ടു​ക്കു​ന്ന​താ​ണ് ​ഇ​ക്കു​റി​യും​ ​പ്ര​ത്യേ​ക​ത​യാ​യി​ ​എ​ടു​ത്തു​കാ​ട്ടാ​നു​ള്ള​ത്.​ ​സം​സ്ഥാ​ന​ത്ത് 434729​ ​പേ​ർ​ ​പ​രീ​ക്ഷ​ ​എ​ഴു​തി​യ​തി​ൽ​ 98.11​ ​ശ​ത​മാ​നം​ ​പേ​രും​ ​വി​ജ​യം​ ​നേ​ടി.​ ​പ​രീ​ക്ഷ​യു​ടെ​ ​ച​രി​ത്ര​ത്തി​ൽ​ ​ഏ​റ്റ​വും​ ​ഉ​യ​ർ​ന്ന​ ​ര​ണ്ടാ​മ​ത്തെ​ ​വി​ജ​യ​മാ​ണി​ത്.​ ​നാ​ലു​വ​ർ​ഷം ​മു​ൻ​പ് 98.57​ ​ശ​ത​മാ​നം​ ​വി​ജ​യം​ ​നേ​ടി​യ​താ​ണ് ​റെക്കാഡാ​യി​ ​നി​ൽ​ക്കു​ന്ന​ത്.​ ​വി​ജ​യി​ക​ളി​ൽ​ 426513​ ​പേ​ർ​ ​ഉ​പ​രി​പ​ഠ​ന​ ​യോ​ഗ്യ​ത​ ​നേ​ടി​യി​ട്ടു​ണ്ടെ​ന്നാ​ണ് ​വി​ദ്യാ​ഭ്യാ​സ​ ​ഡ​യ​റ​ക്ട​റു​ടെ​ ​ക​ണ​ക്ക്.​ ​അ​തി​ന​ർ​ത്ഥം​ ​ഇ​ത്ര​യേ​റെ​ ​പേ​ർ​ക്ക് ​ഉ​പ​രി​പ​ഠ​ന​ത്തി​നു​ള്ള​ ​അ​വ​സ​രം​ ​സൃ​ഷ്ടി​ക്കേ​ണ്ട​ ​വ​ലി​യ​ ​ബാ​ദ്ധ്യ​ത​ ​സ​ർ​ക്കാ​രി​ൽ​ ​വ​ന്നു​ചേ​രു​ന്നു​ ​എ​ന്ന​താ​ണ്.​ ​പ്ള​സ് ​വ​ൺ​ ​പ്ര​വേ​ശ​നം​ ​ഏ​ക​ജാ​ല​ക​ ​സം​വി​ധാ​ന​ത്തി​ലേ​ക്ക് ​മാ​റി​യ​തോ​ടെ​ ​എ​ല്ലാ​വ​ർ​ഷ​വും​ ​പ്ര​വേ​ശ​ന​വു​മാ​യി​ ​ബ​ന്ധ​പ്പെ​ട്ട് ​ധാ​രാ​ളം​ ​ആ​ക്ഷേ​പ​ങ്ങ​ൾ​ ​ഉ​യ​രാ​റു​ണ്ട്.​ ​കൂ​ടു​ത​ൽ​ ​സീ​റ്റു​ക​ളു​ള്ള​ ​ജി​ല്ല​ക​ളി​ൽ​ ​വേ​ണ്ട​ത്ര​ ​കു​ട്ടി​ക​ളെ​ ​ല​ഭി​ക്കാ​ത്ത​ ​അ​വ​സ്ഥ​യാ​ണെ​ങ്കി​ൽ​ ​മ​റ്റു​ ​ചി​ലേ​ട​ങ്ങ​ളി​ൽ​ ​സീ​റ്റി​ല്ലാ​ത്ത​ ​അ​വ​സ്ഥ​യാ​ണ്.​ ​ക​ഴി​ഞ്ഞ​കാ​ല​ങ്ങ​ളി​ൽ​ ​വി​ദ്യാ​ഭ്യാ​സ​ ​കാ​ര്യ​ത്തി​ൽ​ ​പി​ന്നാ​ക്കം​ ​നി​ന്നി​രു​ന്ന​ ​മ​ല​ബാ​ർ​ ​പ്ര​ദേ​ശ​ത്താ​ണ് ​ഇൗ​ ​അ​സ​ന്തു​ലി​താ​വ​സ്ഥ​ ​ഏ​റെ​ ​പ്ര​ക​ട​മാ​യി​ ​കാ​ണു​ന്ന​ത്.​ ​അ​ധി​ക​ ​ബാ​ച്ച് ​അ​നു​വ​ദി​ക്കു​ന്ന​തി​ൽ​ ​വ​രു​ന്ന​ ​കാ​ല​താ​മ​സ​വും​ ​അ​ദ്ധ്യാ​പ​ക​രു​ടെ​ ​കു​റ​വും​ ​മ​റ്റും​ ​ഇ​പ്പോ​ഴും​ ​ഇ​വി​ട​ങ്ങ​ളി​ൽ​ ​വ​ലി​യ​ ​പ്ര​ശ്ന​മാ​ണ്.​ ​ഉ​യ​ർ​ന്ന​ ​വി​ജ​യ​ശ​ത​മാ​ന​ത്തി​ൽ​ ​അ​ഭി​മാ​നം​ ​കൊ​ള്ളു​ന്ന​തി​നൊ​പ്പം​ ​ഉ​പ​രി​പ​ഠ​ന​ത്തി​നു​ള്ള​ ​അ​വ​സ​ര​ങ്ങ​ൾ​ ​വി​പു​ല​പ്പെ​ടു​ത്താ​നും​ ​സ​ർ​ക്കാ​ർ​ ​ശ്ര​മി​ക്കേ​ണ്ട​താ​ണ്.​ ​പ്ര​വേ​ശ​നം​ ​തു​ട​ങ്ങു​ന്ന​തു​വ​രെ​ ​ഇ​തി​നാ​യി​ ​കാ​ത്തി​രി​ക്കു​ക​യു​മ​രു​ത്.
സം​സ്ഥാ​ന​ത്ത് ​പൊ​തു​വി​ദ്യാ​ഭ്യാ​സ​ ​വ​കു​പ്പി​നു​കീ​ഴി​ലു​ള്ള​ ​വി​ദ്യാ​ല​യ​ങ്ങ​ളി​ൽ​ 1703​ ​സ്കൂ​ളു​ക​ൾ​ ​നൂ​റു​ശ​ത​മാ​നം​ ​വി​ജ​യം​ ​നേ​ടി​ ​അ​ഭി​മാ​ന​ ​ഗോ​പു​ര​ങ്ങ​ളാ​യി​ ​നി​ല​കൊ​ള്ളു​ക​യാ​ണ് ​ഒാ​രോ​വ​ർ​ഷം​ ​ക​ഴി​യു​ന്തോ​റും​ ​കൂ​ടു​ത​ൽ​ ​സ്കൂ​ളു​ക​ൾ​ ​ഇൗ​ ​നി​ര​യി​ലേ​ക്ക് ​വ​രു​ന്നു​ണ്ടെ​ന്നു​ള്ള​ത് ​അ​ഭി​മാ​നാ​ർ​ഹം​ ത​ന്നെ​യാ​ണ്.​ ​പ​രീ​ക്ഷ​ ​എ​ഴു​തി​യ​ ​മു​ഴു​വ​ൻ​ ​കു​ട്ടി​ക​ളും​ ​വി​ജ​യി​ച്ച​ 1703​ ​സ്കൂ​ളു​ക​ളി​ൽ​ 599​ ​എ​ണ്ണം​ ​സ​ർ​ക്കാ​ർ​ ​സ്കൂ​ളു​ക​ളാ​ണെ​ന്ന​തും​ ​എ​ടു​ത്തു​പ​റ​യേ​ണ്ട​തു​ണ്ട്.​ ​കു​റ​ച്ചു​കാ​ലം​ ​മു​ൻ​പു​വ​രെ​ ​അ​പൂ​ർ​വമാ​യി​ ​മാ​ത്രം​ ​ക​ണ്ടി​രു​ന്ന​ ​നേ​ട്ട​മാ​ണി​ത്.​ ​പൊ​തു​വി​ദ്യാ​ല​യ​ങ്ങ​ൾ​ ​ഉൗ​നം​ ​കൂ​ടാ​തെ​ ​നി​ല​നി​ൽ​ക്കേ​ണ്ട​ത് ​സ​മൂ​ഹ​ത്തി​ന് ​അ​നി​വാ​ര്യ​മാ​ണെ​ന്ന​ ​ബോ​ധം​ ​സാ​ർ​വത്രി​ക​മാ​യി​ ​അം​ഗീ​ക​രി​ക്ക​പ്പെ​ട്ട​തി​ന്റെ​ ​മി​ക​ച്ച​ ​ദൃ​ഷ്ടാ​ന്തം​ ​കൂ​ടി​യാ​ണി​ത്.​ ​വി​ദ്യാ​ല​യ​ങ്ങ​ൾ​ ​കു​ട്ടി​ക​ൾ​ ​കു​റ​യാ​തെ​ ​നി​ല​നി​ൽ​ക്കേ​ണ്ട​ത് ​ത​ങ്ങ​ളു​ടെ​ ​കൂ​ടി​ ​ആ​വ​ശ്യ​മാ​ണെ​ന്ന് ​അ​ദ്ധ്യാ​പ​ക​ ​സ​മൂ​ഹ​വും​ ​മ​ന​സി​ലാ​ക്കു​ന്നു​ണ്ട്.​ ​അ​തി​ന്റെ​ ​മാ​റ്റം​കൂ​ടി​യാ​ണ് ​ഉ​യ​ർ​ന്ന​ ​പ​രീ​ക്ഷാ​വി​ജ​യ​വും​ ​തോ​ൽ​വി​യ​ട​യു​ന്ന​ ​കു​ട്ടി​ക​ളു​ടെ​ ​സം​ഖ്യ​ ​നാ​ൾ​ക്കു​നാ​ൾ​ ​ചു​രു​ങ്ങി​ ​വ​രു​ന്ന​തും.​ ​ഇ​ത്ത​രു​ണ​ത്തി​ൽ​ ​വി​ജ​യ​ശ​ത​മാ​ന​ത്തി​ൽ​ ​സം​സ്ഥാ​ന​ത്ത് ​ഏ​റ്റ​വും​ ​മു​ന്നി​ൽ​വ​ന്ന​ ​പ​ത്ത​നം​തി​ട്ട​യും​ ​വി​ദ്യാ​ഭ്യാ​സ​ ​ജി​ല്ല​യി​ൽ​ ​ഒ​ന്നാം​സ്ഥാ​ന​ത്തെ​ത്തി​യ​ ​കു​ട്ട​നാ​ടും​ ​പ്ര​ത്യേ​കം​ ​അ​ഭി​ന​ന്ദ​നം​ ​പി​ടി​ച്ചു​പ​റ്റു​ന്നു.​ ​ക​ഴി​ഞ്ഞ​ ​ആ​ഗ​സ്റ്റി​ൽ​ ​സം​സ്ഥാ​ന​ത്തെ​ ​പാ​ടേ​ ​പി​ടി​ച്ചു​ല​ച്ച​ ​പ്ര​ള​യ​ദു​ര​ന്ത​ത്തെ​ ​അ​തി​ജീ​വി​ച്ചാ​ണ് ​ഇൗ​ ​ര​ണ്ട് ​പ്ര​ദേ​ശ​ങ്ങ​ളും​ ​അ​തി​ജീ​വ​ന​ത്തി​ന്റെ​യും​ ​നി​ശ്ച​യ​ദാ​ർ​ഢ്യ​ത്തി​ന്റെ​യും​ ​ഉ​ദാ​ത്ത​ ​മാ​തൃ​ക​ ​സ​മ്മാ​നി​ച്ചി​രി​ക്കു​ന്ന​ത്.​ ​കു​ട്ട​നാ​ട് ​ഉ​പ​വി​ദ്യാ​ഭ്യാ​സ​ ​ജി​ല്ല​യി​ൽ​ 2114​ ​കു​ട്ടി​ക​ൾ​ ​പ​രീ​ക്ഷ​ ​എ​ഴു​തി​യ​തി​ൽ​ 2112​ ​പേ​രും​ ​വി​ജ​യി​ച്ചു.​ ​ര​ണ്ടേ​ര​ണ്ടു​ പേ​ർ​ക്കാ​ണ് ​അ​ക്ക​രെ​ ​ക​ട​ക്കാ​ൻ​ ​ക​ഴി​യാ​തെ​ ​പോ​യ​ത്.​ ​പ്ര​ള​യ​ത്തി​ൽ​പ്പെ​ട്ട് ​ഒ​രു​ ​മാ​സ​ത്തി​ലേ​റെ​ ​ക്ളാ​സു​ക​ൾ​ ​ന​ഷ്ട​മാ​യ​ത് ​മാ​ത്ര​മ​ല്ല,​ ​കു​ട്ട​നാ​ട്ടി​ലെ​ ​കു​ട്ടി​ക​ൾ​ക്കു​ണ്ടാ​യ​ ​ദു​ര്യോ​ഗം.​ ​കി​ട​പ്പാ​ട​വും​ ​പാ​ഠ​പു​സ്ത​ക​ങ്ങ​ളു​മെ​ല്ലാം​ ​അ​വ​ർ​ ​വീ​ണ്ടും​ ​ക​ണ്ടെ​ത്തേ​ണ്ടി​വ​ന്നു.​ ​ദൃ​ഢ​ചി​ത്ത​രാ​യി​ ​സ​മൂ​ഹം​ ​ഒ​ന്ന​ട​ങ്കം​ ​അ​വ​രു​ടെ​ ​സ​ഹാ​യ​ത്തി​നെ​ത്തു​ക​യും​ ​ചെ​യ്തു.​ ​അ​ദ്ധ്യാ​പ​ക​ർ​ ​അ​വ​ർ​ക്കൊ​പ്പം​ ​നി​ന്നു.​ ​സ്കൂ​ൾ​ ​സ​മ​യം​ ​ക​ഴി​ഞ്ഞ് ​പ്ര​ത്യേ​ക​ ​ക്ളാ​സു​ക​ൾ​ ​വ​ച്ച് ​പാ​ഠ​ഭാ​ഗ​ങ്ങ​ൾ​ ​തീ​ർ​ത്തു.​ ​ഇൗ​ ​അ​ദ്ധ്യാ​പ​ക​രോ​ടും​ ​ദു​ര​ന്ത​കാ​ല​ത്ത് ​അ​വ​രെ​ ​സ​ഹാ​യി​ച്ച​ ​സം​ഘ​ട​ന​ക​ളോ​ടും​ ​സ​മൂ​ഹം​ ​ഒ​ന്നാ​കെ​ ​ക​ട​പ്പെ​ട്ടി​രി​ക്കു​ക​യാ​ണ്.
പൊ​തു​വി​ദ്യാ​ല​യ​ങ്ങ​ളി​ൽ​ ​പ​ഠ​ന​മൊ​ന്നു​മി​ല്ലെ​ന്ന​ ​ഇ​ട​ക്കാ​ല​ത്തു​ണ്ടാ​യ​ ​പേ​രു​ദോ​ഷം​ ​അ​തി​വേ​ഗം​ ​മാ​റി​വ​രു​ന്ന​തി​ന്റെ​ ​ല​ക്ഷ​ണ​ങ്ങ​ൾ​ ​കാ​ഴ്ച​വ​യ്ക്കു​ന്ന​താ​ണ് ​പ​രീ​ക്ഷാ​ഫ​ല​ങ്ങ​ൾ.​ ​സ​മൂ​ഹ​മാ​ണ് ​ഇൗ​ ​യാ​ഥാ​ർ​ത്ഥ്യം​ ​കൂ​ടു​ത​ലാ​യി​ ​ഇ​നി​ ​തി​രി​ച്ച​റി​യാ​നു​ള്ള​ത്.​ ​വ​രു​മാ​നം​ ​ഒ​ന്നാ​കെ​ ​സ​ന്ത​തി​ക​ളു​ടെ​ ​സ്കൂ​ൾ​ ​ഫീ​സാ​യും​ ​പ്ര​വേ​ശ​ന​ത്തി​നു​ള്ള​ ​കോ​ഴ​യാ​യും​ ​ന​ൽ​കേ​ണ്ടി​വ​രു​ന്ന​ ​ഇ​ട​ത്ത​ട്ടു​കാ​ർ​ ​ദു​ര​ഭി​മാ​നം​ ​വെ​ടി​ഞ്ഞ് ​പൊ​തു​വി​ദ്യാ​ല​യ​ങ്ങ​ൾ​ ​മു​ന്നോ​ട്ടു​വ​യ്ക്കു​ന്ന​ ​സൗ​ക​ര്യ​ങ്ങ​ൾ​ ​പ്ര​യോ​ജ​ന​പ്പെ​ടു​ത്തു​ക​യാ​ണ് ​വേ​ണ്ട​ത്.​ ​വി​ദ്യാ​ഭ്യാ​സ​ ​രം​ഗ​ത്ത് ​പി​ന്നി​ൽ​ ​നി​ന്നി​രു​ന്ന​ ​മ​ല​പ്പു​റം​ ​ജി​ല്ല​ ​കു​റ​ച്ചു​കാ​ല​മാ​യി​ ​അ​തി​ശ​യ​ക​ര​മാ​യ​ ​മു​ന്നേ​റ്റ​മാ​ണ് ​ന​ട​ത്തി​ക്കൊ​ണ്ടി​രി​ക്കു​ന്നു​ത്.​ ​വി​ദ്യാ​ഭ്യാ​സ​ത്തി​ലൂ​ടെ​ ​മാ​ത്ര​മേ​ ​ഉ​ന്ന​തി​ ​കൈ​വ​രി​ക്കാ​നാ​കൂ​ ​എ​ന്ന​ ​യാ​ഥാ​ർ​ത്ഥ്യം​ ​തി​രി​ച്ച​റി​ഞ്ഞ​തി​ന്റെ​ ​ഗു​ണ​മാ​ണ​ത്.​ ​പെ​ൺ​കു​ട്ടി​ക​ളും​ ​ഉ​യ​ർ​ന്ന​ ​തോ​തി​ൽ​ ​വി​ദ്യാ​ല​യ​ങ്ങ​ളി​ൽ​ ​എ​ത്താ​ൻ​ ​തു​ട​ങ്ങി​യ​തോ​ടെ​ ​ഏ​റ്റ​വും​ ​മി​ക​ച്ച​ ​വി​ദ്യാ​ഭ്യാ​സ​ ​ജി​ല്ല​ക​ളി​ലൊ​ന്നാ​യി​ ​മ​ല​പ്പു​റം​ ​മാ​റി.​ ​എ​സ്.​എ​സ്.​എ​ൽ.​സി​ ​പ​രീ​ക്ഷ​യി​ൽ​ ​എ​ല്ലാ​ ​വി​ഷ​യ​ത്തി​നും​ ​ഏ​റ്റ​വും​ ​കൂ​ടു​ത​ൽ​ ​എ​ ​പ്ള​സ് ​നേ​ടി​യ​ത് ​മ​ല​പ്പു​റ​ത്തെ​ ​കു​ട്ടി​ക​ളാ​ണ്-5970​ ​പേ​ർ.
സി.​ബി.​എ​സ്.​ഇ​ ​പ​രീ​ക്ഷാ​ ​ഫ​ല​ത്തി​ലും​ ​സം​സ്ഥാ​ന​ത്തി​ന് ​അ​ഭി​മാ​നി​ക്കാ​ൻ​ ​ഏ​റെ​ ​ഉ​ണ്ട്.​ ​കേ​ര​ളം​ ​ഉ​ൾ​പ്പെ​ടു​ന്ന​ ​തി​രു​വ​ന​ന്ത​പു​രം​ ​മേ​ഖ​ല​യാ​ണ് ​അ​ഖി​ലേ​ന്ത്യാ​ ​ത​ല​ത്തി​ൽ​ത്ത​ന്നെ​ ​ഒ​ന്നാം​സ്ഥാ​ന​ത്തെ​ത്തി​യ​ത്.​ 500​ ​ൽ​ 499​ ​മാ​ർ​ക്ക് ​നേ​ടി​ ​പാ​ല​ക്കാ​ട് ​ല​യ​ൺ​സ് ​സ്കൂ​ളി​ലെ​ ​ഭാ​വ​ന​ ​എ​ൻ.​ ​ശി​വ​ദാ​സ് ​മ​റ്റു​ ​പ​ന്ത്ര​ണ്ടു​പേ​ർ​ക്കൊ​പ്പം​ ​ഒ​ന്നാം​ ​റാ​ങ്ക് ​നേ​ടു​ക​യും​ ​ചെ​യ്തു.​ ​ആ​ദ്യ​ ​മൂ​ന്ന് ​റാ​ങ്ക് ​നേ​ടി​യ​ ​രാ​ജ്യ​ത്തെ​ 97​ ​കു​ട്ടി​ക​ൾ​ക്കൊ​പ്പം​ ​കേ​ര​ള​ത്തി​ലെ​ ​ഒ​ൻ​പ​ത് ​പേ​രു​ണ്ട്.
ഹ​യ​ർ​ ​സെ​ക്ക​ൻ​ഡ​റി​ ​വ​ന്ന​തോ​ടെ​ ​പ​ത്താം​ക്ളാ​സ് ​വി​ജ​യ​ത്തി​ന്റെ​ ​പ​ഴ​യ​ ​തി​ള​ക്കം​ ​ഇ​ല്ലാ​താ​യെ​ങ്കി​ലും​ ​ഏ​തൊ​രു​ ​കു​ട്ടി​യെ​ ​സം​ബ​ന്ധി​ച്ചും​ ​ത​ന്റെ​ ​വി​ദ്യാ​ഭ്യാ​സ​ ​ജീ​വി​ത​ത്തി​ലെ​ ​ഒ​രു​ ​വ​ഴി​ത്തി​രി​വാ​ണ് ​പ​ത്താം​ക്ളാ​സ് ​വി​ജ​യം.​ ​സ്വ​ന്തം​ ​ഭാ​ഗ​ധേ​യം​ ​നി​ർ​ണ​യി​ക്കാ​നു​ള്ള​ ​ആ​ദ്യ​ത്തെ​ ​ച​വി​ട്ടു​പ​ടി​കൂ​ടി​യാ​ണി​ത്.​ ​അ​ഭി​മാ​നാ​ർ​ഹ​ ​നേ​ട്ട​മു​ണ്ടാ​ക്കി​യ​വ​ർ​ക്കൊ​പ്പം​ ​ഇൗ​ ​ക​ട​മ്പ​ ​ക​ട​ന്ന​ ​സ​ക​ല​രെ​യും​ ​ഞ​ങ്ങ​ൾ​ ​അ​ഭി​ന​ന്ദി​ക്കു​ന്നു.​ ​ഭാ​വി​ ​കൂ​ടു​ത​ൽ​ ​ശോ​ഭ​യേ​റി​യ​താ​ക​ട്ടെ​ ​എ​ന്ന് ​ആ​ശം​സി​ക്കു​ന്നു.