കൊ​ട്ടി​യം: അന്യദേശ തൊഴിലാളിയുടെ കൈയേറ്റത്തിൽ പരിക്കേറ്റ കശുഅണ്ടി ഫാക്ടറി വാച്ചുമാൻ ആശുപത്രിയിൽ മരിച്ചു.മു​ഖ​ത്ത​ല ഇ.എ​സ്.ഐ ജം​ഗ്​ഷ​ന് സ​മീ​പ​മു​ള്ള കശുഅണ്ടി ഫാ​ക്ട​റി​യി​ലെ ജീ​വ​ന​ക്കാ​രൻ ത​ഴു​ത്ത​ല കി​ഴ​വൂർ നീ​രൊ​ഴു​ക്കു മു​ക്ക് ച​രു​വി​ള വീ​ട്ടിൽ ശ​ശി​ധ​രൻ പി​ള​ളയാണ് (58) മ​രി​ച്ച​ത്. സം​ഭ​വ​വു​മാ​യി ബ​ന്ധ​പ്പെ​ട്ട് ഫാ​ക്ട​റി​യി​ലെ താ​ത്കാ​ലി​ക തൊഴിലാളിയും പ​ശ്ചി​മ​ബം​ഗാൾ സ്വ​ദേ​ശി​യു​മാ​യ റാ​സി ദുൾ പ്ര​മാ​ണി​കിനെ (25) കൊ​ട്ടി​യം പൊ​ലീ​സ് അറസ്റ്റു ചെയ്തു.

5ന് വൈകിട്ട്‌ 7ന് റാ​സി ദുൾ പ്ര​മാ​ണി​ക് അ​ക​ത്ത് ക​യ​റ​ണ​മെ​ന്ന് പ​റ​ഞ്ഞ് ഫാക്ടറിക്കു മുന്നിലെത്തി. ശ​ശി​ധ​രൻ ക​യ​റ്റിവി​ട്ടി​ല്ല. തു​ടർ​ന്ന് വാ​ക്കുതർ​ക്ക​വും കൈയേറ്റവുമാ​യി. ശ​ശി​ധ​ര​നെ ത​ള്ളിവീഴ്ത്തി. വീ​ഴ്​ച​യു​ടെ ആ​ഘാ​ത​ത്തിൽ ത​ല​യ്ക്ക് പ​രി​ക്കേ​റ്റു. മു​റി​വി​ന് മ​രു​ന്ന് വ​ച്ച​ത​ല്ലാ​തെ വി​ദ​ഗ്​ദ്ധ ചി​കിത്സ ന​ട​ത്തി​യി​ല്ല. അ​ന്ന് വെ​ളു​ക്കു​വോ​ളം ജോ​ലി​യിൽ തു​ടർ​ന്നു. രാ​വി​ലെ മേ​വ​റം മെ​ഡി​സി​റ്റി​യിൽ പ്രവേശിപ്പിച്ചെങ്കിലും ക​ഴി​ഞ്ഞ ദി​വ​സം വെ​ളു​പ്പി​ന് ശ​ശി​ധ​രൻ മ​രിച്ചു. മൃ​ത​ദേ​ഹം തി​രു​വ​ന​ന്ത​പു​രം മെ​ഡി​ക്കൽ കോ​ളേ​ജ് ആ​ശു​പ​ത്രി മോർ​ച്ച​റി​യി​ലേ​ക്ക് മാ​റ്റി. ഭാ​ര്യ: ഉ​ഷ. മ​ക്കൾ: അ​ശ്വ​തി, രേ​വ​തി. മ​രു​മ​കൻ: ബൈ​ജു. പ്ര​തി​യെ കോ​ട​തി​ പതിന്നാലു ദിവസത്തേക്ക് റി​മാൻഡ്‌ ചെ​യ്​തു.