പ്രാക്ടിക്കൽ
ആറാം സെമസ്റ്റർ ബി.ടെക് (2013 സ്‌കീം) ഫെബ്രുവരി/മാർച്ച് 2019 (സപ്ലിമെന്ററി) പരീക്ഷയുടെ പ്രാക്ടിക്കൽ മെക്കാനിക്കൽ എൻജിനിയറിംഗ് ബ്രാഞ്ച്, മെക്കാനിക്കൽ സ്‌കീം - ഓട്ടോമൊബൈൽ എൻജിനിയറിംഗ് ബ്രാഞ്ച് 15, 16 തീയതികളിൽ കോളേജ് ഒഫ് എൻജിനിയറിംഗ് തിരുവനന്തപുരത്തും ടി.കെ.എം കോളേജ് ഒഫ് എൻജിനിയറിംഗ് കൊല്ലത്തും നടക്കും. വിദ്യാർത്ഥികൾ പരീക്ഷയ്ക്ക് മൂന്ന് ദിവസം മുമ്പ് പരീക്ഷാകേന്ദ്രവുമായി ബന്ധപ്പെടണം.
പരീക്ഷാഫീസ്
രണ്ടാം സെമസ്റ്റർ ബാച്ചിലർ ഒഫ് ഫിസിക്കൽ എഡ്യൂക്കേഷൻ (രണ്ടു വർഷ കോഴ്‌സ്) പരീക്ഷയ്ക്ക് ഓൺലൈനായി പിഴ കൂടാതെ 15 വരെയും 50 രൂപ പിഴയോടെ 16 വരെയും 125 രൂപ പിഴയോടെ 17 വരെയും അപേക്ഷിക്കാം.
രണ്ടാം സെമസ്റ്റർ കരിയർ റിലേറ്റഡ് ഫസ്റ്റ് ഡിഗ്രി പ്രോഗ്രാം - 2013, 2014, 2015, 2016 അഡ്മിഷനുകൾ - സപ്ലിമെന്ററി പരീക്ഷകൾക്കുളള ഓൺലൈൻ രജിസ്‌ട്രേഷൻ ആരംഭിച്ചു. പിഴ കൂടാതെ 14 വരെയും 50 രൂപ പിഴയോടെ 16 വരെയും 125 രൂപ പിഴയോടെ 17 വരെയും അപേക്ഷിക്കാം.
രണ്ടാം സെമസ്റ്റർ എൽ.എൽ.എം പരീക്ഷകൾക്ക് പിഴ കൂടാതെ 20 വരെയും 50 രൂപ പിഴയോടെ 22 വരെയും 125 രൂപ പിഴയോടെ 24 വരെയും അപേക്ഷിക്കാം.
പരീക്ഷാഫലം
ഒന്നാം സെമസ്റ്റർ എം.എ പബ്ലിക് അഡ്മിനിസ്‌ട്രേഷൻ, തമിഴ്, ബിസിനസ് ഇക്കണോമിക്‌സ്, ഫിലോസഫി, സംസ്‌കൃതം (ജനറൽ), എച്ച്.ആർ.എം, എം.എസ്.ഡബ്ല്യൂ, എം.എം.സി.ജെ പരീക്ഷാഫലങ്ങൾ വെബ്‌സൈറ്റിൽ.
രണ്ടാം സെമസ്റ്റർ സി.ബി.സി.എസ് കരിയർ റിലേറ്റഡ് ബി.സി.എ (2017 - റഗുലർ, 2016 ഇംപ്രൂവ്‌മെന്റ്, 2015 സപ്ലിമെന്ററി, 2013 & 2014 സപ്ലിമെന്ററി) ഡിഗ്രി പരീക്ഷാഫലം വെബ്‌സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓൺലൈനായി 27 വരെ അപേക്ഷിക്കാം.
സമ്പർക്ക ക്ലാസുകൾ
വിദൂര വിദ്യാഭ്യാസ കേന്ദ്രം നടത്തുന്ന നാലാം സെമസ്റ്റർ എം.എ, എം.എസ്.സി ക്ലാസുകൾ 18 മുതൽ കാര്യവട്ടം, എസ്.ഡി.ഇ പാളയം, കൊല്ലം സെന്ററുകളിൽ ആരംഭിക്കും. കാര്യവട്ടം സെന്ററിലെ മൂന്നാം സെമസ്റ്റർ ബി.കോം ക്ലാസുകൾ 11 മുതൽ ആരംഭിക്കും. 2017-19 എം.എ പബ്ലിക് അഡ്മിനിസ്‌ട്രേഷൻ ഒന്നും രണ്ടും സെമസ്റ്റർ ഇന്റേണൽ മാർക്കുകൾ പ്രസിദ്ധീകരിച്ചു. പരാതികൾ 15 ദിവസത്തിനകം കോ-ഓർഡിനേറ്റർക്ക് സമർപ്പിക്കേണ്ടതാണ്.
ഒന്നാം വർഷ ബിരുദ പ്രവേശനം 2019-20
ഓൺലൈൻ രജിസ്‌ട്രേഷൻ ആരംഭിച്ചു
സർവകലാശാലയോട് അഫിലിയേറ്റ് ചെയ്തിട്ടുള്ള ഗവ./എയ്ഡഡ്/സ്വാശ്രയ ആർട്‌സ് ആന്റ് സയൻസ് കോളേജുകളിലും, യു.ഐ.ടി, ഐ.എച്ച്.ആർ.ഡി കേന്ദ്രങ്ങളിലും ഒന്നാം വർഷ ബിരുദ പ്രോഗ്രാമുകളിലേക്കുളള 2019-20 അദ്ധ്യയന വർഷത്തെ പ്രവേശനത്തിന് ഓൺലൈൻ രജിസ്‌ട്രേഷൻ (https://admissions.keralauniversity.ac.in) ആരംഭിച്ചു.
എല്ലാ കോളേജുകളിലേയും മെരിറ്റ് സീറ്റുകളിലേക്കും എസ്.സി/എസ്.ടി/ എസ്.ഇ.ബി.സി സംവരണ സീറ്റുകളിലേക്കും ഏകജാലക സംവിധാനം വഴിയായിരിക്കും അലോട്ട്‌മെന്റ്. കേരള സർവകലാശാലയുടെ കീഴിൽ ബിരുദ പ്രവേശനം ആഗ്രഹിക്കുന്ന എല്ലാ വിദ്യാർത്ഥികളും (മാനേജ്‌മെന്റ്, കമ്മ്യൂണിറ്റി, ഭിന്നശേഷിയുള്ളവർ, തമിഴ് ഭാഷ ന്യൂനപക്ഷ വിഭാഗങ്ങൾ, ലക്ഷദ്വീപ് നിവാസികൾ, സ്‌പോർട്‌സ് ക്വോട്ട ഉൾപ്പടെ) ഏകജാലക സംവിധാനം വഴി അപേക്ഷ സമർപ്പിച്ചിരിക്കണം.
രജിസ്‌ട്രേഷൻ സമയത്ത് നൽകുന്ന മൊബൈൽ ഫോൺ നമ്പറുകൾ പ്രവേശന നടപടികൾ അവസാനിക്കുന്നത് വരെ ഒരു കാരണവശാലും മാറ്റരുത്.
കമ്മ്യൂണിറ്റി ക്വോട്ട, സ്‌പോർട്ട്‌സ് ക്വോട്ട പ്രവേശനങ്ങൾ ഓൺലൈനായി നടത്തും. സ്‌പോർട്ട്‌സ് ക്വോട്ടയിൽ പ്രവേശനം ആഗ്രഹിക്കുന്നവർ ഓൺലൈൻ അപേക്ഷയിലെ സ്‌പോർട്ട്‌സ് കോളത്തിന് നേരെ 'യെസ് ' എന്ന് രേഖപ്പെടുത്തണം. സ്‌പോർട്ട്‌സ് ഇനം, ഏതു തലത്തിലെ നേട്ടമാണ് എന്നിവ സെലക്ട് ചെയ്തിരിക്കണം. സ്‌പോർട്ട്‌സ് നേട്ടങ്ങളുടെ സർട്ടിഫിക്കറ്റുകൾ സ്‌കാൻ ചെയ്ത് അപ്‌ലോഡ് ചെയ്യുവാനും കമ്മ്യൂണിറ്റി ക്വോട്ട പ്രവേശനത്തിന് അപേക്ഷിക്കുവാനും ഉള്ള വിശാദാംശങ്ങൾ പിന്നീട് നൽകും.
ഏകജാലക സംവിധാനത്തിലുള്ള എല്ലാ ഫീസുകളും ഓൺലൈൻ വഴി മാത്രം അടയ്‌ക്കണം. ഡിമാൻഡ് ഡ്രാഫ്റ്റ്, ചെക്ക് എന്നിവ സ്വീകരിക്കില്ല.
സംശയനിവാരണത്തിന് 8281883052, 8281883053 എന്നീ ഹെൽപ്പ്‌ലൈൻ നമ്പരുകളിൽ ബന്ധപ്പെടാം. ഓൺലൈൻ രജിസ്‌ട്രേഷൻ അവസാനിക്കുന്ന തീയതി, ഓരോ അലോട്ട്‌മെന്റുകളുടേയും തീയതി എന്നിവ പിന്നീട് വിജ്ഞാപനം ചെയ്യുന്നതാണ്. ഓൺലൈൻ അപേക്ഷയുടെ പ്രിന്റൗട്ട് സർവകലാശാല ആസ്ഥാനത്തേക്ക് അയയ്‌ക്കേണ്ടതില്ല. അത് പ്രവേശന സമയത്ത് അതത് കോളേജുകളിൽ ഹാജരാക്കിയാൽ മതിയാകും.
2019 വർഷത്തെ കേരള ഹയർ സെക്കൻഡറി/വൊക്കേഷണൽ ഹയർ സെക്കൻഡറി പരീക്ഷ പാസായ വിദ്യാർത്ഥികൾ പേരും രജിസ്റ്റർ നമ്പരും ഓൺലൈൻ അപേക്ഷയിൽ ടൈപ്പ് ചെയ്യുമ്പോൾ തന്നെ അവർക്ക് വിവിധ വിഷയങ്ങൾക്ക് ലഭിച്ച മാർക്കുകൾ സ്വമേധയാ രേഖപ്പെടുത്തപ്പെടും. പുനർമൂല്യനിർണയം വഴിയോ മറ്റോ മാർക്കുകൾക്ക് മാറ്റം വന്നാൽ രജിസ്‌ട്രേഷൻ അവസാനിക്കുന്നതിന് മുൻപായി തിരുത്തുകൾ വരുത്താം.
പ്രോസ്പെക്ടസ് വായിച്ചതിന് ശേഷം മാത്രം ഓൺലൈൻ രജിസ്‌ട്രേഷൻ നടത്തുക. കൂടുതൽ വിവരങ്ങൾക്ക് https://admissions.keralauniversity.ac.in സന്ദർശിക്കുക.