ചെന്നൈ:ലിംഗമാറ്റ ശസ്ത്രക്രിയ നടത്തുന്നതിന് അച്ഛൻ എതിരുനിന്നതിന്റെ മനോവിഷമത്തിൽ യുവാവ് ജീവനൊടുക്കി. . ചെന്നൈയ്ക്കുസമീപത്തായിരുന്നു സംഭവം. പാർത്ഥസാരഥി എന്ന ഇരുപത്തൊന്നുകാരനാണ് തൂങ്ങിമരിച്ചത്.

തൊഴിൽ രഹിതനാണ് പാർത്ഥസാരഥി. എന്തെങ്കിലും ജോലിക്കുപോകാൻ വീണ്ടുകാർ നിർബന്ധിച്ചെങ്കിലും അയാൾ തയ്യാറായില്ല. കുറച്ചുനാളുകളായി മകന്റെ സ്വഭാവത്തിൽ മാറ്റം വന്നതും വീട്ടുകാരുടെ ശ്രദ്ധയിൽപ്പെട്ടു. സ്ത്രീകളെപ്പോലെ വേഷംധരിച്ച് നടക്കാനായിരുന്നു താത്പര്യം. ഇതിനെ നിരുത്സാഹപ്പെടുത്തിയപ്പോൾ തനിക്ക് സ്ത്രീയാകണമെന്നും ലിംഗമാറ്റ ശസ്ത്രക്രിയക്ക് അനുമതി നൽകണമെന്നും അയാൾ ആവശ്യപ്പെട്ടു. ഇതിന് അച്ഛൻ എതിരുനിന്നതാണ് കടുംകൈചെയ്യാൻ പാർത്ഥസാരഥിയെ പ്രേരിപ്പിച്ചത്.വീട്ടിൽ മറ്റാരും ഇല്ലാതിരുന്ന സമയത്തായിരുന്നു ആത്മഹത്യ.