തിരുവനന്തപുരം: ഫെഡറൽ ബാങ്ക് വേങ്ങോട് ശാഖയുടെ പ്രവർത്തനം കുടവൂർ തോന്നയ്ക്കൽ സാംസ്‌കാരിക സമിതിക്കു സമീപമുള്ള പുതിയ കെട്ടിടത്തിലേക്ക് മാറി. വിജിലൻസ് എസ്.പി ഷെറഫുദ്ദീൻ ഉദ്ഘാടനം ചെയ്തു. എ.ടി.എം പോത്തൻകോട് ഗ്രാമപഞ്ചായത്ത് പ്രസിഡന്റ് വേണുഗോപാലൻ നായരും, സേഫ് ഡെപ്പോസി​റ്റ് മെഷീൻ പോത്തൻകോട് ഗ്രാമപഞ്ചായത്ത് സ്​റ്റാൻഡിംഗ് കമ്മി​റ്റി ചെയർമാൻ ദിലീപ് കുമാറും ഉദ്ഘാടനം ചെയ്തു. ചടങ്ങിൽ ഫെഡറൽ ബാങ്ക് തിരുവനന്തപുരം സോണൽ ഹെഡും, സീനിയർ വൈസ് പ്രസിഡന്റുമായ അനിൽ കുമാർ വി വി അദ്ധ്യക്ഷനായി. ഫെഡറൽ ബാങ്ക് ഡെപ്യൂട്ടി വൈസ് പ്രസിഡന്റും ആ​റ്റിങ്ങൽ റീജിയണൽ ഹെഡുമായ ഷിബു തോമസ്, വേങ്ങോട് ബ്രാഞ്ച് തലവനും മാനേജരുമായ വെങ്കടേഷ് എന്നിവരും പങ്കെടുത്തു.