തിരുവനന്തപുരം: സംസ്ഥാനത്ത് ആദ്യമായി മൂന്ന് എൻജിനിയറിംഗ് കോളജുകളിൽ റോബോട്ടിക് എൻജിനിയറിംഗ് കോഴ്‌സ് ആരംഭിക്കുന്നു. രണ്ടിടത്ത് ബി.ടെക് കോഴ്‌സും ഒരിടത്ത് എം.ടെക് കോഴ്‌സുമാണ് ആരംഭിക്കുന്നത്. ഇവ ഉൾപ്പെടെ നാല് സ്വാശ്രയ കോളേജുകളിൽ പുതിയ കോഴ്‌സുകൾക്ക് എൻ.ഒ.സി. അനുവദിച്ച് സർക്കാർ ഉത്തരവിറക്കി. കോട്ടയം സെയിന്റ്ഗി​റ്റ്‌സ് കോളജ് ഒഫ് എൻജിനിയറിംഗിൽ ബി.ടെക് റോബോട്ടിക്‌സ് ആൻഡ് ഓട്ടാമേഷൻ (60 സീ​റ്റ്), എം.സി.എ ഡ്യുവൽ ഡിഗ്രി (ഇന്റഗ്രേ​റ്റഡ് 60 സീ​റ്റ്), കൊച്ചി ടോക്ക് എച്ച് ഇൻസ്​റ്റി​റ്റ്യൂട്ട് ഒഫ് സയൻസ് ആൻഡ് ടെക്‌നോളജിയിൽ ബി.ടെക് റോബോട്ടിക്‌സ് ആൻഡ് ഓട്ടാമേഷൻ (60 സീ​റ്റ്), തൃശൂർ ജ്യോതി എൻജിനിയറിംഗ് കോളേജിൽ എം.ടെക് റോബോട്ടിക്‌സ് ആൻഡ് ഓട്ടോമേഷൻ (60സീ​റ്റ്), കാഞ്ഞിരപ്പള്ളി അമൽജ്യോതി കോളജ് ഒഫ് എൻജിനിയറിംഗിൽ ബി.ടെക് ഫുഡ് ടെക്‌നോളജി (60 സീ​റ്റ്) എന്നിവിടങ്ങളിലാണ് പുതിയ കോഴ്‌സുകൾ. തിരുവനന്തപുരം കോളജ് ഒഫ് ആർക്കിടെക്ചറിൽ ബി.ഡിസൈൻ (60 സീ​റ്റ്) കോഴ്‌സിനും എൻ.ഒ.സി നൽകിയിട്ടുണ്ട്. എ.ഐ.സി.ടി.ഇയുടെ അനുമതി കോഴ്‌സുകൾക്ക് ഇതിനകം ലഭിച്ചിട്ടുണ്ട്. സാങ്കതിക സർവകലാശാല അഫിലിയേഷൻ നൽകുന്നതോടെ അടുത്ത അദ്ധ്യയന വർഷത്തിൽ കോഴ്‌സുകൾ ആരംഭിക്കാനാകും.