കഴക്കൂട്ടം: ബൈക്കപകടത്തിൽ പരിക്കേ​റ്റ്ചികിത്സയിലായിരുന്ന യുവാവ് മരിച്ചു. കഴക്കൂട്ടം, കരിയിൽ, രാമചന്ദ്ര നഗർ, പണയിൽ വീട്ടിൽ അനിൽ കുമാറിന്റെയും സിന്ധുവിന്റെയും മകൻ അരുൺ കുമാറാണ് (19) മരിച്ചത്. കഴിഞ്ഞ തിങ്കളാഴ്ച രാത്രി 12 ന് കരിയിൽ നാലുമുക്കിന് സമീപത്താണ് അപകടം നടന്നത്. തലയ്ക്ക് ഗുരുതരമായി പരിക്കേ​റ്റ അരുണിനെ മെഡിക്കൽ കോളേജിലെ തീവ്രപരിചരണ വിഭാഗത്തിൽ പ്രവേശിപ്പിച്ചിരുന്നു.

ഇവിടെ ചികിത്സയിലിരിക്കെ ഇന്നലെ പുലർച്ചയോടെയാണ് മരിച്ചത്.

കഴക്കൂട്ടം പൊലീസ് കേസെടുത്ത് അന്വേഷണം ആരംഭിച്ചു. മൈക്ക് ഓപ്പറേറ്രായിരുന്നു.സഹോദരി: ആതിര. കോലത്തുകര പൊതുശ്മശാനത്തിൽ സംസ്കരിച്ചു.