ചിറയിൻകീഴ്: ട്രാവൻകൂർ കയർ തൊഴിലാളി യൂണിയൻ (സി.ഐ.ടി.യു) ജില്ലാതല മെമ്പർഷിപ്പ് വിതരണോദ്ഘാടനം സി.ഐ.ടി.യു സംസ്ഥാന പ്രസിഡന്റ് ആനത്തലവട്ടം ആനന്ദൻ നിർവഹിച്ചു.ആനത്തലവട്ടം കയർ വ്യവസായ സഹകരണ സംഘത്തിൽ നടന്ന ചടങ്ങിൽ യൂണിയൻ ജില്ലാ പ്രസിഡന്റ് ആർ.സുഭാഷ് അദ്ധ്യക്ഷത വഹിച്ചു. യൂണിയൻ ജില്ലാ ജനറൽ സെക്രട്ടറിയും കയർഫെഡ് ചെയർമാനുമായ അഡ്വ. എൻ സായികുമാർ, സി.ഐ.ടി.യു ഏര്യാ പ്രസിഡന്റ് എം.വി കനകദാസ്, കയർ തൊഴിലാളി യൂണിയൻ ജില്ലാ ട്രഷറർ അഞ്ചുതെങ്ങ് സുരേന്ദ്രൻ, സി.ഐ.ടി.യു ജില്ലാ കമ്മിറ്റി അംഗം വി.വിജയകുമാർ, കയർഫെഡ് ഭരണസമിതി അംഗം കഠിനംകുളം സാബു, സി.പി.എം ലോക്കൽ കമ്മിറ്റി സെക്രട്ടറി ജി.വ്യാസൻ,അനിരുദ്ധൻ,സാംബൻ, ബി.എൻ സൈജുരാജ്, വക്കം പ്രകാശ്, സി.പി സുലേഖ,എം.ഒ ഷിബു,ശശാങ്കൻ,ഗിരിജ,ചിറയിൻകീഴ് പൊടിയൻ,സദാശിവൻ,ബിജു തുടങ്ങിയവർ സംസാരിച്ചു. യൂണിയൻ ജില്ലാ സെക്രട്ടറി പി.മണികണ്ഠൻ സ്വാഗതവും ആനത്തലവട്ടം കയർ സംഘം പ്രസിഡന്റ് അശോകൻ നന്ദിയും പറഞ്ഞു. ജൂൺ അഞ്ച് വരെ മെമ്പർഷിപ്പ് വിതരണം നടക്കും.