വിഴിഞ്ഞം: പൊതുവിദ്യാഭ്യാസ മേഖല ലോകോത്തര നിലവാരത്തിലെത്തിക്കുകയാണ് സർക്കാർ ലക്ഷ്യമെന്ന് മന്ത്രി എം.എം. മണി പറഞ്ഞു.

എം.അലിയാർ ചാരിറ്റബിൾ സൊസൈറ്റിയുടെ നേതൃത്വത്തിൽ സംഘടിപ്പിച്ച തിളക്കം - 2019 ഉദ്ഘാടനം ചെയ്യുകയായിരുന്നു മന്ത്രി. എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം നേടിയ മുന്നൂറോളം വിദ്യാർത്ഥികളെ ആദരിച്ചു. കോവളം നിയോജക മണ്ഡലത്തിൽ പൊതുവിദ്യാഭ്യാസ രംഗത്ത മികച്ച വിജയം നേടിയ സ്ക്കൂളിന് ആദ്യ വിദ്യാഭ്യാസ വകുപ്പ് മന്ത്രി പ്രൊഫ. ജോസഫ് മുണ്ടശ്ശേരിയുടെ പേരിൽ ഏർപ്പെടുത്തിയ എവറോളിംഗ് ട്രോഫി നൽകി. എം.അലിയാർ ചാരിറ്റബിൾ സൊസൈറ്റി പ്രസിഡന്റ് പി.എസ്.ഹരികുമാർ അദ്ധ്യക്ഷത വഹിച്ചു. സി.പി.എം. ജില്ലാ സെക്രട്ടറി ആനാവൂർ നാഗപ്പൻ, ട്രിഡ ചെയർമാൻ സി.ജയൻബാബു, ജില്ലാ പഞ്ചായത്ത് പ്രസിഡന്റ് വി.കെ.മധു, സി.കെ.ഹരീന്ദ്രൻ എം.എൽ.എ, ഐ.ബി.സതീഷ് എം.എൽ.എ, പുല്ലുവിള സ്റ്റാൻലി, കെ. ജി.സനൽകുമാർ, എസ്.അജിത് എന്നിവർ സംസാരിച്ചു.