ഹംബർഗ്: പ്രസവശേഷം ആശുപത്രിയിൽ നിന്ന് വീട്ടിലേക്ക് മടങ്ങിയ മാതാപിതാക്കൾ ന​വ​ജാ​ത ശി​ശു​വി​നെ കാ​റി​നു​ള്ളി​ൽ മ​റ​ന്നു വ​ച്ചു. ജ​ർ​മ​നി​യി​ലെ ഹം​ബ​ർ​ഗി​ലാ​ണ് സം​ഭ​വം. മാ​താ​പി​താ​ക്ക​ൾ​ക്കൊ​പ്പം ആ​ദ്യ​ത്തെ കു​ട്ടി​യും കാ​റി​നു​ള്ളി​ൽ ഉ​ണ്ടാ​യി​രു​ന്നു. ഈ ​കു​ട്ടി​യെ​ എ​ടു​ത്ത് കാ​റി​​ൽ നി​ന്നി​റ​ങ്ങി​യ ഇരുവരും കൈ​ക്കു​ഞ്ഞി​നെ എ​ടു​ക്കു​വാ​ൻ മ​റ​ന്നു പോ​യി​രു​ന്നു. വാടകയും വാങ്ങി ടാ​ക്സി​ക്കാരൻ മടങ്ങി അല്പസമയം കഴിഞ്ഞപ്പോഴാണ് കു​ട്ടി കൂ​ടെ​യി​ല്ല​ന്ന് ഇരുവർക്കും മ​ന​സി​ലാ​യ​ത്. കുട്ടിയുടെ അച്ഛൻ ടാക്സിക്കാരനെ കണ്ടെത്താൻ ശ്രമിച്ചെങ്കിലും വിജയിച്ചില്ല. തുടർന്ന് പൊലീസിനെ വിവരമറിയിച്ചു. അവർ അന്വേഷണം തുടങ്ങി. ഇൗ സമയമത്രയും കു​ഞ്ഞ് കാ​റിന്റെ പി​റ​കി​ലു​ണ്ടെ​ന്ന് അ​റി​യാ​തെ ഡ്രൈ​വ​ർ കാ​ർ ഓ​ടി​ച്ചു കൊ​ണ്ടി​രു​ന്നു. വഴിയിൽവച്ച് വിമാനത്താവളത്തിലേക്ക് പോകാൻ ഒരാൾ ഒാട്ടംവിളിച്ചു. ഇയാളാണ് സീ​റ്റി​ൽ കു​ട്ടി​യു​ണ്ടെ​ന്ന് ഡ്രൈവറെ അ​റി​യി​ച്ച​ത്. ഡ്രൈവർ ഉ​ട​ൻ ത​ന്നെ പൊലീസിനെ വിവരമറിയിക്കുകയും അവരുടെ നിർദ്ദേശപ്രകാരം കുഞ്ഞിനെ സ്റ്റേഷനിൽ എത്തിക്കുകയും ചെയ്തു. പൊലീസ് അറിയച്ചതനുസരിച്ചെത്തിയ രക്ഷിതാക്കൾ കുട്ടി തങ്ങളുടേതാണെന്ന് ഉറപ്പാക്കി. ഇത്തരത്തിലൊരബദ്ധം മേലിൽ ഉണ്ടാവരുതെന്ന് ശക്തമായ താക്കീതുനൽകിയശേഷമാണ് കുഞ്ഞിനെ രക്ഷിതാക്കൾക്ക് നൽകിയത്. അബദ്ധം സംഭവിച്ചതാണെന്ന് വ്യക്തമായതിനാൽ ഇവർക്കെതിരെ കേസെടുത്തിട്ടില്ല.