കല്ലമ്പലം: ഭക്തി നിർഭരമായ വിദ്യാരംഭ ചടങ്ങുകളോടെ കടുവാപള്ളിയിൽ കുരുന്നുകൾ ആദ്യാക്ഷരം കുറിച്ചു. കടുവാപള്ളി ചീഫ് ഇമാം അബൂ റബീഹ് സദഖത്തുള്ള ബാഖവി, കെ.ടി.സി.ടി മദ്രസ സദർ മുഅല്ലിം ഇബ്രാഹിംകുട്ടി ബാഖവി, അസിസ്റ്റന്റ്‌ ഇമാം അ൯സാരി ബാഖവി തുടങ്ങിയവർ കുട്ടികളെ എഴുത്തി നിരുത്തി. കെ.ടി.സി.ടി ചെയർമാ൯ പി.ജെ. നഹാസ് ചടങ്ങുകൾക്ക് അദ്ധ്യക്ഷത വഹിച്ചു. നാനൂറിലധികം കുട്ടികൾ ആദ്യാക്ഷരം കുറിക്കാ൯ രക്ഷകർത്താക്കളുമായി എത്തിചേർന്നിരുന്നു. കെ.ടി.സി.ടി പ്രസിഡന്റ് ഇ. ഫസിലുദ്ദീ൯, ജനറൽ സെക്രട്ടറി റഹീം, കോളേജ് ചെയർമാ൯ എം.എസ്. ഷെഫീർ, ഇർഷാദ് ബാഖവി, ഷാജഹാ൯, എം. അബ്ദുൽ മനാഫ്, മുഹമ്മദ്‌ ഷെഫീഖ്, സജീർ ഊന്നുങ്കൽ, കടുവയിൽ അബുബക്കർ മൗലവി, എച്ച്.എ൯. നസീം മന്നാനി, ബാസിത് മന്നാനി തുടങ്ങിയവർ നേതൃത്വം നൽകി. വിദ്യാരംഭ ചടങ്ങുകൾക്ക് ശേഷം വിശ്വാസി സംഗമവും പ്രാർഥനാ സമ്മേളനവും നടന്നു. അബൂറബീഹ് സദഖത്തുള്ള ബാഖവി നേതൃത്വം നൽകി.