കായംകുളം: പ്രവാസി വ്യവസായി​ സാജന്റെ ദുരന്തകഥ വാർത്തകളി​ൽ നി​റ​യുമ്പോൾ വർഷങ്ങൾക്കുമുൻപ് ഇതേരീതി​യി​ൽ തനി​ക്ക് നേരി​ടേണ്ടി​ വന്ന ദുരനുഭവങ്ങൾ ഓർക്കുകയാണ് പ്രവാസിയായ കായംകുളം മികാസ് കൺവെൻഷൻ സെന്റർ ഉടമ കെ.എ സേതുനാഥൻ.

സ്വന്തം നാടായ കായംകുളത്ത് കോടികൾ മുടക്കി കൺവെൻഷൻ സെന്റർ തുടങ്ങിയപ്പോൾ കായംകുളം നഗരസഭയും നി​രവധി​ ന്യായങ്ങൾ പറഞ്ഞ് പ്രവർത്തനാനുമതി നിഷേധിച്ചുവെന്ന് അദ്ദേഹം പറയുന്നു. മാനസിക പീഡനങ്ങളുടെ സംഘർഷഭരിതമായ ദിനങ്ങളി​ലൂടെയാണ് അന്ന് കടന്നുപോയതെന്ന് അദ്ദേഹം ഓർക്കുന്നു.
കായംകുളം എൻ.ആർ.ഐ, യു.എ.ഇ ചാപ്റ്ററിന്റെ അഡ്വൈസറി ബോർഡ് ചെയർമാനായ സേതുനാഥ് ദുബായിലെ അൽ സഹീം ഗ്രൂപ്പിന്റെ മേധാവിയും ഇലക്ട്രിക്കൽ എൻജി​നീയറുമാണ്.

വികസനത്തിനു വേണ്ടി കുതിക്കുന്ന നാട്, സംരംഭകർക്ക് എല്ലാവിധ സൗകര്യങ്ങളും ഒരുക്കുന്ന നാട് എന്നി​ങ്ങനെ മേനി​ പറയുന്നവർ തന്നെയാണ് സാജന്റെ ആത്മഹത്യയ്ക്ക് ഉത്തരവാദികളെന്ന് സേതുനാഥ് പറയുന്നു. ഒരു പ്രസ്ഥാനം തുടങ്ങുമ്പോൾ അത് നാടിന്റെ വികസനമാണെന്ന ചി​ന്തയുണ്ടാകണം.

ഒരു ദിവസം മുൻപേ അതി​ന് പ്രവർത്തനം തുടങ്ങുവാൻ അവസരമൊരുക്കണം.
30 വർഷം വിദേശത്ത് നിർമ്മാണ രംഗത്ത് പ്രവർത്തിക്കുന്ന വ്യക്തി എന്ന നിലയിലുള്ള പരിചയം മുൻ നി​റുത്തി​ ചില നി​ർദ്ദേശങ്ങൾ അദ്ദേഹം മുന്നോട്ടുവയ്ക്കുന്നു. ഇവ നടപ്പാക്കാൻ സാധിച്ചാൽ കേരളത്തിൽ വികസനവും പ്രവാസ നിക്ഷേപവും വരുമെന്ന് അദ്ദേഹം പറയുന്നു. ആ നി​ർദ്ദേശങ്ങൾ ഇങ്ങനെ.

നിർമ്മാണം സംബന്ധിച്ച പ്ലാൻ വിലയിരുത്തിയ ശേഷം ഒരു പ്രാവശ്യം മാത്രം എല്ലാ വിധ പോരായ്മകളും അറിയിക്കുക.
സമർപ്പിച്ച പ്ലാൻ നിയമപരമായി ശരിയാണെന്നി​രി​ക്കെ ചെറിയ അപാകതമാത്രമാണ് ഉള്ളതെങ്കി​ൽ അത് ശരിയാക്കി സമർപ്പിക്കാൻ നിശ്ചിത സമയം നൽകണം.

പ്രിലിമിനറി പെർമിറ്റ് നൽകി നിർമ്മാണം ആരംഭിക്കാൻ അനുവദിക്കാം

അപാകത ശരിയാക്കി പ്ലാൻ വീണ്ടും സമർപ്പിച്ച്, നിശ്ചിത സമയത്തിനുള്ളിൽ ശരിയായ നിർമ്മാണം അനുവദിക്കണം

ചെയർമാൻ, പ്രസിഡന്റ്, സെക്രട്ടറി എന്നിവരുടെ ഇടപെടൽ പൂർണമായി ഒഴിവാക്കണം

എൻജി​നീയറിംഗ് വിഭാഗം മാത്രം നിർമ്മാണ അനുമതി നൽകുക.

ആക്ഷേപങ്ങൾ പരി​ഹരി​ക്കാൻ ജില്ലാ ടൗൺ പ്ലാനിങ് ഓഫീസിൽ ഒരു അദാലത്ത് സമ്പ്രദായം ഏർപ്പെടുത്തുക

മറ്റ് സർവീസ് ഓഫീസുകളിൽ നിന്നുള്ള അനുവാദം അധി​കൃതർ തന്നെ ശരിയാക്കുക.