പിറവം : പത്ത്, പന്ത്രണ്ട് ക്ലാസുകളിൽ എല്ലാ വിഷയങ്ങൾക്കും എ പ്ലസ് കരസ്ഥമാക്കിയ വിദ്യാർത്ഥികളെ പാമ്പാക്കുട ബ്ലോക്ക് പഞ്ചായത്ത് അനുമോദിച്ചു. ബ്ലോക്ക് പഞ്ചായത്ത് പരിധിയിൽ താമസിക്കുന്നതും വിദ്യാഭ്യാസം പൂർത്തീകരിച്ചതുമായ

വിദ്യാർത്ഥികളെയാണ് അനുമോദിച്ചത്. ബ്ലോക്ക് പഞ്ചായത്ത് ഹാളിൽ നടന്ന ചടങ്ങിൽ പൊലീസ് പരാതി പരിഹാര അതോറിറ്റി ചെയർമാൻ റിട്ട. ജസ്റ്റിസ് വി.കെ. മോഹനൻ ജേതാക്കൾക്ക് സമ്മാനങ്ങൾ വിതരണം ചെയ്തു. പ്രസിഡന്റ് സുമിത് സുരേന്ദ്രൻ അദ്ധ്യക്ഷത വഹിച്ചു. പാമ്പാക്കുട ഗവ. ഹയർ സെക്കൻഡറി സ്കൂളിൽ പഠിച്ച് പ്ലസ് ടു പരീക്ഷയിൽ മുഴുവൻ മാർക്കും നേടിയ ആദർശ് നാരായണൻ ആദ്യ ഉപഹാരം ഏറ്റുവാങ്ങി. ഉന്നത വിജയം കരസ്ഥമാക്കിയ പത്താം ക്ലാസിലെ 123 കുട്ടികളെയും, പന്ത്രണ്ടാം ക്ലാസിലെ 33 കുട്ടികളെയും അനുമോദിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് ജെസി ജോണി, പാമ്പാക്കുട പഞ്ചായത്ത് പ്രസിഡന്റ് സുഷമ മാധവൻ, രാമമംഗലം പഞ്ചായത്ത് പ്രസിഡന്റ് മിനികുമാരി, ഇലഞ്ഞി പഞ്ചായത്ത് പ്രസിഡന്റ് ജോയിസ് മാമ്പിള്ളി, ബ്ലോക്ക് പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ജയ ബിജുമോൻ, ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൻ ശ്യാമള ഗോപാലൻ, ആരോഗ്യ, വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ വി.സി. കുര്യാക്കോസ്, ബ്ലോക്ക് പഞ്ചായത്തംഗങ്ങളായ ഒ.കെ. കുട്ടപ്പൻ, രമ കെ.എൻ, ഉഷ ശ്രീകുമാർ, ബിന്ദു സിബി , കെ.ജി. ഷിബു, സന്തോഷ് കോരപ്പിള്ള, ലില്ലി ജോയി, അഡ്വ. ജിൻസൺ വി പോൾ, ബ്ലോക്ക് പഞ്ചായത്ത് സെക്രട്ടറി ബൈജു ടി. പോൾ എന്നിവർ പ്രസംഗിച്ചു.