പറവൂർ : സഹകരണ വകുപ്പിന്റെ ഹരിതം സഹകരണം പദ്ധതിയുടെ സംസ്ഥാനതല ഉദ്ഘാടനം നാളെ (ബുധൻ) വൈകിട്ട് നാലിന് പറവൂർ – വടക്കേക്കര സർവീസ് സഹകരണ ബാങ്കിൽ മന്ത്രി കടകംപള്ളി സുരേന്ദ്രൻ നിർവഹിക്കും. ബാങ്ക് നടത്തുന്ന ഞാറ്റുവേല ഉത്സവത്തിന്റെ മുന്നൊരുക്ക ഉദ്ഘാടനവും നടക്കും. വി.ഡി. സതീശൻ എം.എൽ.എ അദ്ധ്യക്ഷത വഹിക്കും. കെയർ ഹോം വീടുകളുടെ താക്കോൽ സമർപ്പണം എസ്. ശർമ എം.എൽ.എയും കർഷകർക്കുള്ള പണിയായുധ വിതരണം പി. രാജുവും ക്ഷീരകർഷകൾക്കുള്ള സഹായവിതരണം ബ്ലോക്ക് പഞ്ചായത്ത് പ്രസിഡന്റ് യേശുദാസ് പറപ്പിള്ളിയും നിർവഹിക്കും. കർഷക തൊഴിലാളികളെ പഞ്ചായത്ത് പ്രസിഡന്റുമാരായ എ.ഐ. നിഷാദ്, കെ.എം. അംബ്രോസ് എന്നിവർ ആദരിക്കും. സഹകരണ സംഘം രജിസ്ട്രാർ എസ്. ഷാനവാസ് പരിസ്ഥിതി സന്ദേശം നൽകും.